"Эрдэнэс Монгол" компанийн бүтцийг өөрчилж, шинэ ажлын байруудад сонгон шалгаруулалт зарласан билээ. 

Энэ талаар ЗГХЭГ-ын дарга Д.Амарбаясгалан "Эдгээр ажлын байранд ажиллах хүмүүс нь мэргэжлийн өндөр ур чадвартай, дадлага туршлагатай байх шаардлагатай. Цаашид уг компани менежментийн компани болж, олон улсад Монголыг төлөөлж, өрсөлдөх чадвартай компани болох зорилготой ажиллаж байгаа.

Түүнчлэн өөрийн харьяа болон охин компаниудынхаа засаглалыг сайжруулж, бодлогыг тодорхой болгох, ашигтай ажиллах нөхцөлийг бүрдүүлэх, олон нийтийн хараа хяналтад тодорхой хэвийг шилжүүлэх зэрэг процессыг удирдах зохион байгуулах чиг үүрэгтэй ажиллана. 

Иймд "Эрдэнэс Монгол" компанийг бүтцийн өөрчлөлт хийж, ажлын байруудад нээлттэй сонгон шалгаруулалт зарлаж байгаа. Долоон газар, долоон хэлтэст нийт дүнгээрээ 88 хүн ажиллана" гэсэн юм.

Дашрамд, цалингийн зэрэглэл нь төрийн өмчийн байгууллагууд дундаа хамгийн өндөрт тооцогдоно.

Тухайлбал,

• Ахлах менежер буюу газрын даргын статустай ажиллах хүн сарын 9,000,000-12,000,000,

• Менежер буюу хэлтсийн даргын статустай ажиллах ажилтан сарын 6,500,000-8,500,000,

• Ахлах мэргэжилтэн сарын 4,000,000-6,000,000,

• Мэргэжилтэн сарын 2,000,000-4,000,000 төгрөгийн цалинтай байх юм.