Эрх баригч намын бага хурал өнөөдөр цахимаар болж, шинэ нарийн бичгийн дарга нараа сонголоо.

Хуралдаанаар:

• УИХ дахь МАН-ын бүлгийн дарга Д.Тогтохсүрэнг орон тооны бус,

• Ерөнхийлөгчийн Тамгын Газрын дарга Я.Содбаатарыг орон тооны бус,

• УУХҮ-ийн дэд сайд О.Батнайрамдалыг гадаад харилцаа хариуцсан, 

• Ерөнхий сайдын зөвлөх А.Ариунзаяаг сургалт судалгаа хариуцсан орон тооны нарийн бичгийн даргаар сонгожээ. 

Түүнчлэн уг хуралдаанаар МАН-ын даргын өнгөрсөн нэг жилийн хугацааны улс төрийн илтгэл, Ерөнхий нарийн бичгийн даргын намын үйл ажиллагааны тайлан илтгэл, хяналтын ерөнхий хорооны мэдээллийг сонссон байна. 

МАН-ын Бага хурлын II хуралдаанд оролцогчид Монгол Улсын Их Хурлын “Зөвлөлдөх санал асуулга явуулах тухай” 2022 оны 80 дугаар тогтоолоор зарлагдсан “Зөвлөлдөж шийдье” улсын хэмжээний санал асуулгыг үр дүнтэй зохион байгуулахад улс төрийн дэмжлэг үзүүлэх, парламентын засаглалыг төгөлдөржүүлэх, тогтолцооны болон хууль эрх зүйн зохих өөрчлөлт шинэчлэлийг хийх нь зүйтэй хэмээн үзжээ. 

Хуралд МАН-ын дарга Л.Оюун-Эрдэнэ, Ерөнхий нарийн бичгийн дарга Д.Амарбаясгалан болон Бага хурлын гишүүн нийт 354 хүн оролцсон байна.