УИХ дахь АН-ын бүлгийн хуралдаан болж, гаргасан шийдвэрийн талаар мэдээлэл хийлээ.
Энэ үеэр УИХ-ын гишүүн Ж.Батсуурь “Манай нам 2020 оны УИХ-ын сонгуульд 11 хүний суудал авч, амжилт багатай оролцсон. АН-ыг шинэчлэх үйл явц цар тахлын улмаас болж нэлээд хугацаа алдлаа.
Энэ хугацаанд цахим болон цаасан сонгууль, сунгаа зэрэг үйл явдал болсон. Улс төрийн намын тухай хуулиар Улсын дээд шүүхэд эдгээр үйл явдлыг бүртгэх ёстой ч долоон удаа буцаасан.
Одоо бид бодит нөхцөл байдалтайгаа эвлэрэх хэрэгтэй. Тиймээс энэ онд багтаан АН-ын дотоод талцал, асуудлыг шийдвэрлэхийн тулд 39 хүний бүрэлдэхүүнтэй ажлын хэсэг байгууллаа.
Үндсэн хууль болон Улс төрийн намын тухай хуульд заасанчлан Улсын дээд шүүхэд АН-ын 200,000 гаруй гишүүний үзэл санаа, үнэт зүйлийг удирдах бүрэлдэхүүнээр хүргүүлнэ” гэв.
