Өнөөдрийн чуулганы нэгдсэн хуралдаан эхэллээ. Өнөөдрийн хуралдаанаар Монгол Улсын 2023 оны төсвийг эцэслэн батлахаар тогтсон байгаа. 

Тэгвэл Монгол улсын 2023 оны төсвийг алдагдалгүй батлах шаардлагатай гэдгийг онцолж, энэ асуудлаар АН-аас сонгогдсон гишүүд мэдээлэл хийлээ. 

УИХ-ын гишүүн С.Одонтуяа "АН-ын бүлэг Монгол улсын 2023 оны төсвийг алдагдалгүй батлах шаардлага тавьж байгаа. Хэрвээ төсвийг алдагдалтай батлах юм бол бидний өмнө ямар аюулууд байгааг дурьдая. 

Нэгдүгээрт, Гадаад өрөө төлөх боломжгүй болно. 

Хоёрдугаарт, Инфляц улам нэмэгдэнэ, төгрөгийн ханш суларна, бараа бүтээгдхүүний үнэ улам өснө.

Хамгийн аюултай нь бизнесүүд хумигдаж эхэлнэ. Бизнес хумигдвал татвар, хураамж багасаж улсын орлого буурна. Дээрээс нь орлогыг хэт хөөстэй, хиймэл, өөдрөг төсөөлсөн байна. Үүнд бид шүүмжлэлтэй хандах байгаа. Эрсдэлээ тооцоолж төсөв батлах хэрэгтэй. Хэмнэлт бас хаагуур явж байгааг мэдэхгүй байна. Төсвийн ерөнхийлөн захирагчдын урсгал зардал 480 тэрбумаар нэмэгдсэн байна. Хэмнэлт хаана байна. Нийт төсвийн урсгал зардал 15 их наяд гэдэг бол түүхэнд байгаагүй өндөр зардал болж байна. 

ҮСГ-аас хоёр хүний нэг нь ядуу байна гээд тооцоолоод гаргасан байна. Мөн бизнесийн орчинг сайжруулж байж л энэ бүхэн өөрчлөгдөнө.

Өнөөдөр иргэд маань цалин нэмүүлье гэхээс илүүтэй одоо авч байгаа цалингийнхаа үнэ цэнийг алдмааргүй байгаа гэдгээ илэрхийлж байна" гэлээ.