Өнөөдрийн чуулганы нэгдсэн хуралдаан эхэллээ. Өнөөдрийн хуралдаанаар Монгол Улсын 2023 оны төсвийг эцэслэн батлахаар тогтсон байгаа. 

Тэгвэл Монгол улсын 2023 оны төсвийг алдагдалгүй батлах шаардлагатай гэдгийг онцолж, энэ асуудлаар АН-аас сонгогдсон гишүүд мэдээлэл хийлээ. 

УИХ-ын гишүүн О.Цогтгэрэл "Монгол улсын гурван хүн тутмын нэг нь ядуу байсан бол одоо хоёр хүн тутмын нэг нь ядуу болж байна. 

Монгол улсын 2023 оны мөнгөний бодлого батлагдсан. Өнөөдөх төсөв батлагдах гэж байна. Ирэх оны мөнгөний бодлого, төсвийн бодлого гэдэг улс орны эдийн засаг хаашаа явахыг заасан бодлогын баримт бичиг. Өнөөдөр эцэслэн батлагдах гэж байгаа 2023 оны улсын төсөв улс орны дампуурал руу алхах үүд хаалгыг нээж өгсөн. Ард иргэдийн хоёрны нэг нь ядуурал руу "хөтөлсөн" төсөв болж батлагдах нь. Бид төсвийг татаж аваач, болохгүй байна гэх саналуудыг олон удаа тавьж байсан. Ирэх оны улсын төсвийг эцэслэн батлахад Ардчилсан намын гишүүд дэмжиж оролцох боломжгүй.

Улсаараа дампуурах бодит эрсдэл рүү бид алхам алхамаар ойртсоор байна" гэлээ.