Д.Сарангэрэл сайдын хэлсэн "УЛНЫ АЙЛ" гэх доромж үг иргэдийг бухимдуулж, түүнийг огцруулахыг шаардаж эхэллээ. ХНХ-ын сайд Д.Сарангэрэл өчигдөр болсон "Халамжаас-Хөдөлмөрт" хэлэлцүүлгийн үеэр ядуурлын түвшнээс доогуур айл өрхийг "улны айл" хэмээн хэлсэн.
Үүнтэй холбогдуулан Д.Сарангэрэл сайдыг огцруулах хөдөлгөөн Төрийн ордны гадаа өрнөөд байна. Иргэд ХНХ-ын сайд Д.Сарангэрэлийг огцруулахгүй бол Ерөнхий сайд Л.Оюун-Эрдэнийн Засгийн газар бүрэн бүрэлдэхүүнээрээ огцрох ёстой гэсэн шаардлагыг тавьж байна.
Ардчилсан залуучуудын холбооны тэргүүн Н.Болдбаатар "Төрийн сайд тэр дундаа Хөдөлмөр, нийгэм хамгааллын сайд Д.Сарангэрэл Монгол Улсын иргэдийг нэн ядуу буюу "улны айлууд" хэмээн нэр хоч өгч ялгаварлалаа. Энэ бол Үндсэн хуулийн зөрчил.
Нэгдүгээрт, Ерөнхий сайд Л.Оюун-Эрдэнэ, ХНХ-ын сайд Д.Сарангэрэл нарыг ард түмнээсээ уучлал гуйх;
Хоёрдугаарт, "Улны" сайд Д.Салангэрэлийг ХНХ-ын сайдаасогцруулах;
Гуравдугаарт, ЗГ-ын гишүүн нь Ерөнхий сайдын бодлогыг хэрэгжүүлэгч болохын хувьд иргэдээ нэн ядуу буюу улны иргэд хэмээн доромжилсон нь ЗГ-ын байр суурь хэмээн харагдаж байна. Иймээс Үндсэн хууль зөрчсөн энэ үйлдэлд Засгийн газрыг бүрэн бүрэлдэхүүнээр хариуцлага хүлээх ёстой. Энэ шаардлагыг бид Ерөнхий сайд Л.Оюун-Эрдэнэд хүргүүлнэ" гэлээ.
