Засгийн газрын шинэ гишүүд УИХ-д тангараг өргөлөө.
Энэ үеэр УИХ-ын гишүүн, Эрчим хүчний сайд Б.Чойжилсүрэн мэдээлэл өглөө.
Тэрээр "Нэгдүгээрт өвөлжилтийн бэлтгэл хангахад анхаарна. Энэ өвөл хүнд болохыг үгүйсгэхгүй. Эрчим хүчний салбар нэлээн хүндрэлтэй байдалд орсон. Эрчим хүчний салбарын бүтээгдэхүүн өртөг 30 хувиас дээш өссөн. Төвийн эрчим хүчний систем хангалтайгүй байгаа тул ДЦС-3-ын өргөтгөлийг энэ ондоо багтааж эхлүүлнэ. Мөн Тавантолгойн цахилгаан станцын ажлыг энэ ондоо багтааж эхлүүлнэ.
Эгийн голын цахилгаан станцын ажлыг эхлүүлэх, эх үүсвэрийг олох ажил хүнд байна. Гэхдээ үргэлжилнэ. Есдүгээр сарын эхээр ОХУ-ын Владивосток хотод олон улсын эдийн засгийн чуулган болно. Үүнд Ерөнхий сайд оролцох урьдчилсан яриа бий. Би сайдын айлчлалын багт орж ажиллаад Эгийн голын цахилгаан станцын ажлыг нэг талд нь гаргана. Мэдээж Амгалан, Эрдэнбүрэн, Дорнодын цахилгаан станцын өргөтгөлийн ажлууд бий.
Миний хувьд автоматч, теле-механикч мэргэжилтэй. Эрчим хүчний салбарт ажиллаж байгаагүй ч их дээд сургуульд бүрэн сурсан чадвартай" гэв.
