Засгийн газрын шинэ гишүүд УИХ-д тангараг өргөлөө.
Энэ үеэр УИХ-ын гишүүн асан, ХЗДХ-ийн сайд асан, ЗГХЭГ-ын дарга асан Ц.Нямдорж албан тушаалаасаа чөлөөлөгдсөн сэтгэлдлээ хуваалцав. Түүнээс сэтгүүлч "Та тэтгэвэртээ гарч байна уу эсвэл өөр албан тушаалд очих уу" хэмээн асуусан юм.
Тэрээр "Шал хэрэггүй юм асуух юм. Засгийн газарт 2-4 удаа сонгогдсон хүмүүс сайд болж байна. Улстөрд байгаа нөхцөл байдлын сайн гадарлаж байгаа хүмүүс. Ажлаа сайн хийгээд явчих байх гэж найдаж байна. Засгийн газарт тал хувь нь үлдэж байгаа учраас ерөнхийдөө Засгийн газрын ажил уламжлал гэдэг юмаа дагаад явчихна. Миний хувьд намын ЕНБ-ын дарга ажлаа өгч байгаадаа баяртай байгаа.
Миний хувийн амьдрал та нарын анхаарах асуудал биш. Би Монголын төрд 41 жил, их улстөрд ороод 32 жил явж байгаа хүн шд. Нам, Их хурал, Засгийн газрын түвшинд ийм удаан ажилласан цорын ганц хүн, би. Залуучууд ажлаа сайн аваад явах байх гэж найдаад явж байна" гэлээ.
Харин түүнийг Үндсэн хуулийн Цэц рүү томилогдох эсэх талаар асуухад "Тийм дэл сул яриа болж л байдаг" гэлээ.
