МАН-ын Удирдах зөвлөлийн хурал өнөөдөр болж, шинэ сайдуудын асуудлыг хэлэлцлээ. Тус зөвлөлийн гишүүд Засгийн газрын хэрэг эрхлэх газрын даргаар Д.Амарбаясгалан, Хот хариуцсан сайдаар Ж.Сүхбаатар, Спорт олимпизм хариуцсан сайдаар Б.Бат-Эрдэнэ нарыг томилохыг дэмжсэн байна.
Мөн Байгаль орчны сайдаар Б.Бат-Эрдэнэ, Эдийн засаг, хөгжлийн сайдаар Ч.Хүрэлбаатар, Нийгмийн хамгаалал, хөдөлмөрийн сайдаар Б.Сарангэрэл, Зам тээврийн хөгжлийн сайдаар С.Бямбацогт, Хүнс, хөдөө аж ахуй, хөнгөн үйлдвэрийн сайдаар Х.Болорчулуун, Цахим хөгжил, харилцаа холбооны сайдаар Н.Учрал, Эрчим хүчний сайдаар Б.Чойжилсүрэн, Уул уурхай, хүнд үйлдвэрийн сайдаар Ж.Ганбаатар нарыг томилохыг тус тус дэмжсэн байна.
УИХ-ын ээлжит бус чуулган удахгүй хуралдаж, шинэ сайд нарыг томилох эсэхийг хэлэлцэнэ.
Тов цаг өнөөдөр 15:00-аас байсан ч МАН-ын Удирдах зөвлөлийн хурал саяхан дууссан юм.
