УИХ-ын чуулганы нэгдсэн хуралдаанаар Засгийн газрын тухай хуульд өөрчлөлт оруулах тухай хуулийн төслийг хэдхэн минут дотор эцэслэн баталлаа.
Хуралдаанд 40 гишүүн саналаар дэмжиж төслийг баталснаар өнөөдрийн хуралдаан өндөрлөв. Үндсэн хуулийн цэцийн шийдвэртэй холбогдуулан өчигдөр УИХ-ын ээлжит бус чуулганаар Үндсэн хуулийн өөрчлөлт болон бусад хуулиудаар давхар дээлний асуудлыг хэлэлцэн шийдвэрлэсэн. Өөрөөр хэлбэл, Монгол Улсын Үндсэн хуулийн 39 зүйлийн 1 дэх хэсгийн “... Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно” гэдэг заалтыг хүчингүй болгосон.
Ийн цэцийн хоёр дүгнэлт, өнгөрсөн хаврын улс төрийн намуудын тунхаг зэргийг нэгтгэж УИХ-аас Засгийн газарт чиглэл өгсөн тогтоол гаргахын тулд УИХ-ын тогтоолын төсөл боловсруулах үүрэг бүхий ажлыг хэсгийг өнөөдөр байгууллаа.
