Төрийн байгуулалтын байнгын хороо хуралдлаа. Монгол Улсын Засгийн газрын тухай хуульд өөрчлөлт оруулах тухай хуулийн төслийг хэлэлцэн гишүүдийн олонх дэмжив.
Тус хорооноос Үндсэн хуулийн цэцийн 2022 оны 01,02 дугаар тогтоолтой холбогдуулан гаргах УИХ-ын тогтоолын төсөл боловсруулах үүрэг бүхий ажлыг хэсгийг байгуулжээ.
Ажлын хэсгийг УИХ-ын гишүүн С.Одонтуяа ахлах бол гишүүдээр УИХ-ын гишүүн Т.Доржханд, Ж.Мөнхбат, Ж.Сүбхаатар, Н.Энхболд нар ажиллана.
Энэ үеэр УИХ-ын гишүүн Н.Энхболд өөрийн нэрээ татаж залуу гишүүдэд боломж олгох санал гаргав. Түүний оронд УИХ-ын гишүүн Ш.Раднаасэдийг оруулахаар тогтлоо. Тогтоолын төслийг наймдугаар сарын 29-ний өдрийн дотор боловсруулан Төрийн байгуулалтын байнгын хороонд танилцуулахыг үүрэг болгов.
Үндсэн хуулийн цэцийн шийдвэртэй холбогдуулан өчигдөр УИХ Үндсэн хуулийн өөрчлөлт болон бусад хуулиудаар давхар дээлний асуудлыг хэлэлцэн шийдвэрлэсэн. Тиймээс цэцийн хоёр дүгнэлт, өнгөрсөн хаврын улс төрийн намуудын тунхаг зэргийг нэгтгэж УИХ-аас Засгийн газарт чиглэл өгсөн тогтоол гаргахын тулд УИХ-ын тогтоолын төсөл боловсруулах үүрэг бүхий ажлыг хэсгийг ийнхүү байгуулав.
