Францын загварын ордон Dior “Cruise 2021” цуглуулгаа Италийн Апулия мужын Лечче хотноо үзэгчгүй зохион байгуулагдлаа.

Лечче нь загварын ордны өнөөгийн уран сайхны тэргүүн захирал Мария Грация Кьюрийн төрлөх хот бөгөөд шинэ цуглуулга нь түүний хүүхэд ахуй цагаа өнгөрөөсөн нутгийн аман урлаг, уламжлалаар бүтээгджээ.

Мария Грация Кьюри "Би нарийн хатгамал, нэхмэлээр алдартай энэ мужийн уламжлалыг сайн мэднэ. Итали, Францын эдийн засагт жуулчлал ба загварын урлаг чухал байрыг эзэлдэг. Манай нийлүүлэгчдийн бүх гинжин урсгал нь олонд төдийлөн танил биш компаниуд. Манай орнуудын хувьд загварын ирээдүйн найдлагыг алдах нь маш том эрсдэл юм” хэмээн ярив.

Лечче хотын төвийн Пьяцца дель Дуомо талбайд явагдсан үзүүлбэрийг орон нутгийн хөгжимчид бүжигчдын тоглолтоор амилсан байна. Шоуны тайз чимэглэлийг зураач эмэгтэй Маринелла Сенатора бүтээсэн ба түүндээ орон нутгийн сэдэв, баяр цэнгэлийн гэрэлтүүлгийг оруулжээ.

Урт даашинзууд, нэгэн өнгийн бөгөөд цэцэг навчийн зурагтай арьсан чээживчүүд, эрээн алчуурууд загвар өмсөгчдийн гоёл болсон ба Мария Грация Кьюри цуглуулгадаа Апулийн Le Costantine сангийн хуучны нэхмэлийн техникийг сэргээж байгаа бүтээгдэхүүнээс ашиглажээ. 

М.ЦОГТ