Ховд аймгийн Чандмань сумын түүхт 100 жилийн ойд зориулсан, Монгол Улсын начин И.Мөнхбаатарын нэрэмжит “Хан Жаргалант хайрханы хишиг” барилдаан бөхийн өргөөнд амжилттай болж өндөрлөлөө.

Австралийн уралдаанч Оскар Пиастри энэ ням гарагт болсон Майамигийн Гран-При уралдаанд түрүүлж, энэ улирлын дараалсан гурав дахь, нийт дөрөв дэх түрүүгээ авч, Формула-1-ийн 2025 оны улирлын чансааг тэргүүлсээр байна.

Бүсчилсэн хөгжлийн бодлогын хүрээнд зохион байгуулж буй Иргэдийн спортын их наадмын хойд бүсийн тэмцээн тавдугаар сарын 1–4-ний өдрүүдэд Булган аймагт амжилттай зохион байгуулагдаж, өнөөдөр өндөрлөлөө.

“Улаанбаатар марафон 2025” гүйлтийн тэмцээн рүү оролцогчдын бүртгэл үргэлжилж байгаа бөгөөд энэ жилийн марафонд оролцохоор нийт 6 мянга гаруй хүн бүртгүүлжээ. Хамгийн бага зай болох 1.5 км-ийн ангилалд гэр бүлээрээ болон тэргэнцэртэй, хараагүй иргэд гүйх боломжтой бөгөөд 954 хүн бүртгүүлээд байна.

Ховд аймгийн Чандмань сумын түүхт 100 жилийн ойд зориулсан, Монгол Улсын начин Идэшийн Мөнхбаатарын нэрэмжит “Хан Жаргалант хайрханы хишиг” улс, аймаг, цэргийн цолтой 128 бөхийн барилдаан Ховд аймагт болж өндөрлөлөө.

Дэлхийн чансааг тэргүүлэгч Беларусийн теннисчин Арина Соболенко Испанийн Мадрид хотноо зохиогдсон Мадридын нээлттэй тэмцээний финалд Америкийн Коко Гауффыг 6-3, 7-6-гийн харьцаатай буулган авч, уг тэмцээний гурав дахь, карьерийнхаа 20 дахь цомыг хүртлээ.

Монголын хоккейн шигшээ баг Мексик улсад энэ оны дөрөвдүгээр сарын 27-нд эхэлсэн “Division III” ангиллын дэлхийн аварга шалгаруулах тэмцээнд амжилттай оролцож, дөрөвдүгээр байр эзэллээ.

Завхан аймгийн “Цэцэн шонхор” клубийн тамирчид Олон улсын таеквондогийн өсвөр үе, залуучууд, мастер ангиллын улсын аварга шалгаруулах 30 дахь удаагийн тэмцээнд амжилттай оролцож, багийн нийлбэр дүнгээр 4-р байрт шалгарлаа. Тус клуб энэ удаагийн тэмцээнд нийт 118 тамирчнаа оролцуулсан бөгөөд тэд 16 алт, 16 мөнгө, 17 хүрэл медаль хүртжээ.

Манай улсад хоёр дахь удаагаа болсон энэхүү тэмцээнд Монгол, Филиппин, Сингапур, Хонконг, Вьетнам, Малайз, Индонез гэсэн долоон орны 110 тамирчин ур чадвараа сорин өрсөлдсөн юм. Азийн 3.3 бүсийн тэмцээнээс эрх авсан шатарчид ирэх аравдугаар сард дэлхийн цомд өрсөлдөнө. 

Испанийн хөл бөмбөгийн шигшээ баг болон “Валенсиа” багийн домогт хөгжөөн дэмжигч Мануэль Касерес-Артесеро, олонд Маноло нэрээрээ танигдсан ахмад фэн 77 насандаа таалал төгсжээ. Тэрээр амьсгалын замын хүндрэлийн улмаас эмнэлэгт хэд хоног хэвтэн эмчлүүлсний эцэст нас барсан тухайгаа Испанийн шигшээ багийн хэвлэлийн алба албан ёсоор мэдээлсэн байна.

Өнгөрсөн жилийн Душанбегийн “Их дуулга“-аас гавьяат тамирчин Б.Баасанхүү алт, Л.Энхрийлэн хүрэл медаль хүртэж, багийн нийлбэр дүнгээр 65 орноос долоодугаар байрт жагсаж байв.

Хотын дарга Клара Бругада Мехикогийн Гран-Пригээс 2025 онд 21 тэрбум песо буюу ойролцоогоор 1.1 тэрбум долларын орлого олох төлөвтэй байгааг дурджээ.

Арабын Нэгдсэн Эмират улсын Аль-Айн хотноо энэ сарын 6-16-ны хооронд зохион байгуулагдах насанд хүрэгчдийн шатрын Ази тивийн аварга шалгаруулах тэмцээнд Монгол Улсаас нийт 17 тамирчин оролцохоор бэлтгэлээ базааж байна. Уг тэмцээнд нийт 34 орны 262 шилдэг шатарчин бүртгүүлсэн бөгөөд тэдгээрийн дунд дэлхийн цомын эрхийн төлөөх ширүүн өрсөлдөөн өрнөхөөр байна.

Барилдааны түрүү бөх суудлын автомашин гардана.  Мөн азтай үзэгчдээс нэг сая төгрөгийн найман азтан, суудлын автомашины нэг азтан тодруулна.

Испанийн “Барселона” баг өөрийн талбайд Италийн “Интер” багтай 3:3 харьцаагаар тэнцлээ. Хоёр багийн дараагийн тоглолт энэ сарын 6-нд Миланд болно. 

Роналду тоглолтын туршид талбайд байсан боловч үр дүнтэй тоглолт үзүүлээгүй байна. Одоо Жидда хотод бямба гаригт болох финалын тоглолтод Японы баг Саудын Арабын "Аль-Ахли" багтай аваргын төлөө өрсөлдөнө.

2025 оны дөрөвдүгээр сарын 24-27-ны өдрүүдэд Энэтхэг улсын Нью-Дели хотноо зохион байгуулагдсан Азийн иогийн аварга шалгаруулах тэмцээнд Монгол Улс амжилттай оролцож, нийт 18 медаль хүртэн хоёрдугаар байр эзэллээ.

Лондон хотноо өчигдөр болсон Европын хөлбөмбөгийн Аваргуудын лигийн хагас шигшээ тоглолтын эхний тулаанд Францын “Пари Сен-Жермен” баг Английн “Арсенал”-ыг 1:0 харьцаагаар хожлоо. Тоглолтын дөрөв дэх минутанд Усман Дембеле гоол оруулж, ПСЖ-д ялалт авчирсан бөгөөд тэрээр энэ улиралд 27 тоглолтод оролцож, 26 дахь гоолоо бүртгүүлээд байна.

Монголын жүдо бөхийн өсвөр үеийн улсын аварга шалгаруулах тэмцээн Улаанбаатар хотын “Буянт-Ухаа” спортын ордонд амжилттай үргэлжилж байна. Энэхүү тэмцээн нь орон даяар хамгийн олон оролцогч хамруулдгаараа онцлог бөгөөд энэ удаа 21 аймаг, нийслэлийн 9 дүүргээс шалгарсан 87 багийн 2025 өсвөрийн жүдочид хүрэлцэн иржээ.

FIBA-аас зохион байгуулдаг сагсан бөмбөгийн Азийн аваргуудын лиг (BCL Asia)-ийн Зүүн бүсийн урьдчилсан шатны тэмцээн үргэлжилж байна. Тэмцээний "А" хэсэгт өрсөлдөж буй Монголын Үндэсний Дээд лигийн 2023-2024 оны улирлын дэд байр эзэлсэн "Бишрэлт Металл/Bishrelt Metal" баг гурав дахь тоглолтоо өнөөдөр, дөрөвдүгээр сарын 29-ний 17:00 цагаас Тайванийн "Taoyuan Pauian Pilots" багтай "Xinzhuang Gymnasium" цэнгэлдэхэд хийнэ. "Бишрэлт Металл" баг нэг хожил, нэг хожигдолтой байгаа бол Тайванийн баг дөрвөн хожилтойгоор хэсгээ тэргүүлж байна.