Засгийн газрын 2024–2028 оны үйл ажиллагааны хөтөлбөрийн хүрээнд, хүүхдийн эрүүл мэндийг хамгаалах, өвчнөөс урьдчилан сэргийлэх зорилгоор Ерөнхий боловсролын сургуулийн нэгдүгээр ангийн сурагчдын дунд нүд, шүд, зүрхний эмгэгийн эрт илрүүлэг үзлэгийг зохион байгуулж эхэллээ.

Сэлэнгэ аймгийн Ерөө сумын “А” зэрэглэлийн анхан шатны эрүүл мэндийн төвийг түшиглэн бүс нутгийн иргэдэд нарийн мэргэжлийн тусламж үйлчилгээ үзүүлэх загвар тогтолцоог бий болгохоор шийдвэрлэлээ. Энэ нь шаардлагатай тусламж, үйлчилгээг цаг алдалгүй, шуурхай, хүртээмжтэй хүргэх шинэ боломж нээж буй алхам болж байна.

Эрүүл мэндийн даатгалын ерөнхий газрын дарга С.Энхболд, Шүүхийн шийдвэр гүйцэтгэх ерөнхий газрын Шийдвэр гүйцэтгэх албаны дарга, Ерөнхий шийдвэр гүйцэтгэгч, хурандаа Б.Нямгомбо нар өнөөдөр хамтран ажиллах санамж бичигт гарын үсэг зурлаа.

Хүний папиллома вирусийн (HPV) халдвараас урьдчилан сэргийлэх вакцинжуулалтыг Монгол Улсад 2024 оны арваннэгдүгээр сараас товлолт дархлаажуулалтад албан ёсоор нэвтрүүлэн эхлүүлсэн. Одоогийн байдлаар 11 настай 70 мянга гаруй хүүхдээс 30 мянга орчим нь буюу нийт хамрагдалт 40 хувьтай явагдаж байна.

Халдварт өвчин судлалын үндэсний төвөөс өгсөн мэдээллээр 2025 оны тавдугаар сарын 2-ны байдлаар улаанбурхан өвчний нийт 1106 тохиолдол лабораториор батлагджээ.

Баянгол дүүргийн Эрүүл мэндийн төвд хавдрын тусламж үйлчилгээний хүрээнд Hyperthermic Intraperitoneal Chemotherapy (HIPEC) буюу халуун хими эмчилгээний шинэ технологийг амжилттай нэвтрүүллээ. Энэ нь хорт хавдрын хүнд хэлбэрийн үед хэрэглэгддэг өндөр үр дүнтэй эмчилгээний нэг бөгөөд тус төв орчин үеийн тоног төхөөрөмж, эмч мэргэжилтнээр бүрдсэн багтайгаар анх удаа дүүргийн түвшинд хэрэгжүүлж эхэлж байгаа нь онцлог юм.

ЭМЯ, Швейцари улсын Хоффман Ла Рош компани, Керри Майнинг (Монгол) ХХК, Монос Трейд ХХК-ийн 4 талт Харилцан Ойлголцлын Санамж Бичгийн хүрээнд РОШ компанийн хөхний болон уушигны хорт хавдрын эмчилгээний өндөр технологийн PHESGO (Фесго), KADCYLA (Кадсайла), ALECENSA (Алисэнса) шинэ эмийн эмчилгээг нэвтрүүлэхээр 2 эмийн сургалтыг хийлээ. Тус эмүүдийг ирэх тавдугаар сард эмчилгээнд нэвтрүүлнэ.

Халдварт өвчин судлалын үндэсний төвөөс 2025 оны дөрөвдүгээр сарын 30-ны байдлаар улаанбурхан өвчний нөхцөл байдлыг танилцууллаа. Одоогоор лабораторийн шинжилгээгээр батлагдсан нийт тохиолдол 986 хүрсэн бол 239 хүн эмнэлэгт хэвтэн эмчлүүлж, 52 хүн гэрээр эмчлүүлж, 695 хүн бүрэн эдгэрчээ. Мөн сэжигтэй 20 тохиолдол илэрсэн бол 11539 хүн халдвартай хавьтсан гэж бүртгэгдээд байна.

Аппарат нь 1.5т хүчин чадалтай мөр, тохой, хөлийн тавхай зэрэг жижиг хэсгийн зургийг ч чанарын өндөр түвшинд, илүү нарийвчилсан байдлаар гаргах дэвшилтэт технологи юм. Уг аппарат нь радиус томтой тул жин ихтэй 180 кг хүртэлх үйлчлүүлэгчид шинжилгээ хийх боломжтой.

Эрүүл мэндийн яамнаас мэдээлснээр Монгол Улс эмнэлзүйн нэр томъёог хөгжүүлэгч олон улсын нэр хүндтэй байгууллага болох SNOMED International-ийн албан ёсны гишүүн болжээ.

Халдварт өвчин судлалын үндэсний төвөөс мэдээлснээр улаанбурхан өвчний 955 батлагдсан тохиолдол бүртгэгдээд байна. Эдгээрээс 230 хүн эмнэлэгт хэвтэн эмчлүүлж байгаа бол 61 хүн гэрээр эмчлүүлж байгаа бөгөөд 664 хүн бүрэн эдгэрсэн байна. Одоогоор 20 сэжигтэй тохиолдол, 11539 хүн ойрын хавьтлаар бүртгэгджээ.

АНУ-ын хорт хавдрын талаарх хамгийн сүүлийн тайланд 2001-2022 оны хооронд хавдрын шалтгаант нас баралтын түвшин тогтмол буурч ирсэн нь бүртгэгджээ. Энэ нь урьдчилан сэргийлэх үзлэг, эмчилгээний ахиц, эрсдэлт зан үйлийн бууралтаас шалтгаалж байгааг судлаачид онцолж байна. Тухайлбал, тамхи татах хувь буурсан нь уушги, мөгөөрсөн хоолой зэрэг хавдрын тохиолдлыг мэдэгдэхүйц бууруулжээ.

Өнөөдрийн Засгийн газрын хуралдаанаар улаанбурхан өвчний дэгдэлтийн эсрэг шуурхай хариу арга хэмжээ авах үүргийг холбогдох сайд нарт даалгалаа. Улсын хэмжээнд улаанбурхан өвчний халдвар эрчимтэй тархаж буйтай холбогдуулан дархлаажуулалт, эмнэлгийн бэлэн байдал, урьдчилан сэргийлэх арга хэмжээг эрчимжүүлэх шаардлагатай гэж үзжээ.

Улсын хоёрдугаар төв эмнэлгийн Эд, эс, эрхтэн шилжүүлэн суулгах төвөөс 2022 оноос эхлэн бэлтгэлээ хангаж, 2025 оны гуравдугаар сарын 8-нд Монгол Улсад элэг шилжүүлэн суулгах мэс заслыг амжилттай гүйцэтгэлээ. Уг мэс заслыг Монгол Улсын Ерөнхийлөгч У.Хүрэлсүхийн ивээл дор, УХТЭ-ийн эмч нар болон Солонгосын “Самсунг медикал” төвийн профессор Ким Жонгманаар ахлуулсан баг, мөн УНТЭ ба ХСҮТ-ийн туршлагатай эмч нарын зөвлөмжийн дагуу хийсэн байна.

Хавдар судлалын үндэсний төвөөс мэдээлснээр улаанбурхан өвчний халдвар өдөр бүр нэмэгдэж буйг онцлон анхаарууллаа. Өчигдрийн байдлаар лабораториор батлагдсан тохиолдол 688 хүрсэн бөгөөд үүнээс 158 хүн эмнэлэгт хэвтэн эмчлүүлж байна. Мөн улаанбурхантай хавьтсан тохиолдол 11,539 бүртгэгдсэн нь уг өвчний халдварлах эрсдэл хэр өндөр байгааг харуулж байна.