“1975 оноос хойш мөсөн голуудын 9000 гигатонн мөс хайлсан нь Германы нутаг дэвсгэрийн хэмжээтэй дүйцэхүйц 25 м зузаан мөстэй тэнцэж байна” гэж Швейцарт төвтэй Дэлхийн мөсөн голуудыг ажиглан хянах төвийн дарга Майкл Земп Женев дахь НҮБ-ын байранд тайланг танилцуулах үеэр мэдэгджээ. 2000-2023 оны хооронд уулын мөсөн голууд хайлснаар далайн түвшин 18 мм буюу жилд 1 орчим мм-ээр нэмэгджээ. Дэлхийн мөсөн голуудыг ажиглан хянах төвийн мэдээлснээр, далайн түвшин нэг мм-ээр дээшлэхэд жил бүр 300 мянган хүн үерийн эрсдэлд ордог байна.

АНУ-ын Ерөнхийлөгч асан Дональд Трамп гуравдугаар сарын 17-нд өөрийн цахим сүлжээнд Жо Байдены гарын үсэг зурсан хэмээн бүртгэгдсэн өршөөлийн тушаалуудыг хүчингүй гэж мэдэгдсэн нь АНУ-ын улс төрийн хүрээнд дуулиан тарив.

АНУ-ын Ерөнхийлөгч Дональд Трамп пүрэв гарагт Боловсролын яамыг татан буулгах ажлыг эхлүүлэх тухай зарлигт гарын үсэг зурлаа. Тэрбээр уг шийдвэрийг эртнээс боловсруулсан бөгөөд энэ нь зөв алхам гэдгийг бүгд мэдэж байгаа хэмээн мэдэгдэв. “Ардчилсан намынхан ч энэ нь зөв гэж ойлгож байгаа” хэмээн нэмж хэлжээ.

Зимбабвегийн усанд сэлэлтийн Олимпын хошой аварга Кирсти Ковентри Олон улсын Олимпын хорооны (ОУОХ) ерөнхийлөгчөөр сонгогдож, энэ албан тушаалд сонгогдсон анхны эмэгтэй, анхны африк гаралтай хүн боллоо.

ОХУ, АНУ-ын ерөнхийлөгч Владимир Путин, Дональд Трамп нар гуравдугаар сарын 18-нд утсаар ярилцаж, Украины асуудлыг зохицуулах хэлэлцээрт нэн даруй орохоо тохиролцов. Тэдний ярилцлага хоёр цаг хагас үргэлжилсэн бөгөөд Ойрхи Дорнодын нөхцөл байдлын талаар ч санал солилцсон байна.

АНУ-ын Төв банкны үүргийг гүйцэтгэгч Холбооны нөөцийн сан (ХНС) бодлогын хүүгээ хоёр дахь удаагаа хэвээр үлдээх шийдвэр гаргалаа. Ерөнхийлөгч Дональд Трампын худалдаа, эдийн засгийн бодлогын тодорхойгүй байдлаас үүдэн эдийн засгийн өсөлтийн төсөөллийг бууруулсан байна.

Их Британийн эрх баригчид Оросын тэрбумтан, байгалийн хий олборлогч "Нортгаз" компанийг хамтран эзэмшигч асан Фархад Ахмедовт авсан хориг арга хэмжээгээ цуцалсан тухай Их Британийн Сангийн яамны Санхүүгийн хориг арга хэмжээг хэрэгжүүлэх алба (OFSI) лхагва гарагт мэдээлэв.

Туркийн хууль сахиулагчид Истанбул хотын захирагч, Ерөнхийлөгч Режеп Тайип Эрдоганы гол өрсөлдөгч Экрем Имамоглуг авлига, терроризмын хэрэгтэй холбоотой мөрдөн шалгах ажиллагааны хүрээнд лхагва гаргийн өглөө баривчилжээ. AFP, DPA мэдээллийн агентлагууд түүний туслахын мэдэгдлийг эш татан энэ талаар мэдээлсэн байна.

АНУ-ын Ерөнхийлөгч Дональд Трамп, Украины Ерөнхийлөгч Владимир Зеленский нар лхагва гарагт утсаар ярьж, дайныг зогсоох чиглэлд хамтран ажиллахаар тохиролцжээ. Цагаан ордон уг яриаг “гайхалтай” гэж тодорхойлов.

ОХУ, Украин улсууд лхагва гарагт олзлогдсон цэргүүдээ солилцож, талууд тус бүр 175 цэргийг сулласан талаар ОХУ-ын Батлан хамгаалах яам мэдээллээ.

АНУ-ын Агаарын нислэг, сансрын уудмыг шинжлэн судлах үндэсний төвийн (НАСА) сансрын нисгэгч Барри “Бутч” Уилмор, Суни Уильямс нар есөн сар гаруй хугацаанд сансарт гацсаны эцэст мягмар гарагт эх дэлхийдээ эргэн иржээ.

НҮБ-ын Аюулгүйн зөвлөлийн гишүүд Израилын Газын зурваст хийсэн агаарын цохилтын асуудлыг мягмар гарагт хэлэлцэж, олон улс гал зогсоох хэлэлцээрийг сэргээхийг уриалсан байна. Гэвч АНУ өөр байр суурь илэрхийлжээ.

ОХУ-ын Ерөнхийлөгч Владимир Путин болон АНУ-ын Ерөнхийлөгч Дональд Трамп мягмар гарагт утсаар ярьж, Украины нөхцөл байдлын талаар санал солилцжээ. Энэ нь Д.Трамп үүрэгт ажилдаа орсноос хойш хоёр дахь удаагаа хоёр улсын төрийн тэргүүнүүд шууд харилцсан тохиолдол болж байна.

Японы Ерөнхий сайд Ишиба Шигэрү-г тойрсон бэлгийн эрхийн бичиг (ваучер)-тэй холбоотой дуулиан парламентын танхимд даваа гарагт үргэлжилжээ. Ерөнхий сайд эдгээр эрхийн бичгийг тараасан нь хууль зөрчөөгүй гэж мэдэгдсэн боловч сөрөг хүчний хууль тогтоогчид тайлбар шаардсан байна.

БНХАУ-ын дарга Ши Жиньпин хоёр орны эдийн засгийн байдал хурцдаж буй энэ үед АНУ-д "ойрын хугацаанд" айлчилж магадгүй гэж АНУ-ын Ерөнхийлөгч Дональд Трамп даваа гарагт мэдэгдлээ.