Нигерийн баруун хэсэгт орших католик шашны сургуулиас террористуудын хулгайлсан 300 сурагчийн 50 нь зугтаж чадсан тухай Agence France-Presse (AFP) агентлаг Нигерийн Христэд итгэгчдийн холбооны мэдээллээс эш татан дамжуулжээ.
“Бид сайхан мэдээ хүлээн авлаа. 50 сурагч зугтаж, эцэг эх дээрээ эргэж ирсэн байна” гэж тус байгууллага мэдээлжээ.
Энэ сарын 20-ноос 21-нд шилжих шөнө Нигерийн баруун нутгийн Нигер муж дахь Гэгээн Мариягийн сургуульд гэмт этгээдүүд халдаж, 12 багш болон сурагчдыг оролцуулаад нийт 303 хүнийг хүчээр авч явсан байна. Өмнө нь мөн Кебби мужийн Мага гэх сууринд дээрэмчид 24 сурагчийг барьцаалсан хэрэг гарчээ.
Сургууль руу халдах нь нэмэгдэж буйтай холбоотойгоор Нигерийн Ерөнхийлөгч Бола Тинубу гадаад айлчлалуудaa цуцалжээ. Аюулгүй байдлын үүднээс 36 мужаас 10 мужид сургуулиудыг хаасан бөгөөд эдгээр бүс рүү цэргийн болон цагдаагийн нэмэлт хүчийг илгээсэн байна.
Нигерийн Христэд итгэгчдийн холбоо 11 дүгээр сарын 23-нд террористуудад хулгайлагдсан хүүхдүүдийг аврахын төлөө залбирал үйлджээ.
Эх сурвалж: TASS
