Энэ сард бүх нийтийн тэмдэглэх хоёр өдөр тохиож байна.
Үүнд, Их эзэн Чингис хааны мэндэлсэн огноог билгийн тооллын гуравдугаар жарны усан морин жил буюу 1162 оны өвлийн тэргүүн сарын шинийн нэгний өдөр хэмээн тогтоосон. Энэ өдөр арваннэгдүгээр сарын 21-ний баасан гарагт тохиож байгаа тул бүх нийтээр амарна.
Мөн уламжлалт ёсоор арваннэгдүгээр сарын 26-нд Бүгд найрамдах Монгол Улс тунхаглаж, Анхдугаар Үндсэн хуулиа баталсны 101 жилийн ой тохиож арваннэгдүгээр сарын 26-ны лхагва гарагт бүх нийтээр амрахаар болжээ.
Монгол Улсын Бүх нийтээр тэмдэглэх баярын болон тэмдэглэлт өдрүүдийн тухай хуульд зааснаар жилд есөн удаа баярын болон тэмдэглэлт өдрүүдэд амардаг.
