Уран бүтээлч Heesco Австралийн Мельбурн хотноо “Sky Burial” үзэсгэлэнгээ нээж Монголын агаарын бохирдлын талаар мэдээлэл өгчээ. Тэрээр энэ үзэсгэлэнгээрээ Австрали улсын мэргэжилтнүүдийг Монголын агаарын бохирдлыг бууруулах талаар хамтарч ажиллахыг уриалсан байна.

Гудамжны урлаг буюу street art чиглэлээр бүтээл туурвидаг Heesco-гийн үзэсгэлэнг олон нийтэд хүргэхэд Мелбурн хотын ажил хэрэгч, сайхан сэтгэлт залуус цаг заваа гарган хэдэн өдөр сайн дураараа ажиллаж үйл ажиллагааг дэмжсэн ажээ. Түүний үзэсгэлэнг “Breathe Mongolia” байгууллагын хамт олон дэмжин ажилласан байна. Уран бүтээлч Heesco “Sky Burial” үзэсгэлэнгээсээ олсон орлогоо дэлхийн хамгийн бохир агаараар амьсгалж өсч буй монгол хүүхдүүдийн төлөө зориулж, “Лантуун дохио” төрийн бус байгууллагын “Ид шидийн орон”-д хандивласан ажээ.

eagle.mn