Бямба гаригт "Байер Леверкузен" клуб Германы цомын финалд "Кайзерслаутерн"-ийг 1:0 харьцаагаар буулган авснаар аваргын цомыг өргөлаа. Тоглолтын 16 дахь минутад "Леверкузен"-ий Гранит Жака финалын тоглолтын цор ганц гоолыг оруулсан байна.
"Леверкузен" Германы цомын тэмцээнд хоёр дахь удаагаа түрүүлж байгаа нь энэ бөгөөд өмнө нь 1993 онд аваргалж байжээ. Тэд гуравхан хоногийн өмнө Европын лигийн финалд "Атланта"-д хожигдсоны дараа ийнхүү ялалт байгууллаа. Атлантачууд уг тоглолтоор "Леверкузен"-ий 51 тоглолт дараалан хожигдоогүй цувралыг зогсоосон юм.
"Леверкузен" энэ улиралд ахлах дасгалжуулагч Хаби Алонсогийн удирдлага дор Бундеслигт түрүүлж, Германы цомын хошой аварга болж, Европын лигийн финалд шалгарч, 53 тоглолтод ердөө ганцхан хожигдсон гайхалтай амжилт үзүүлээд байна. Клубийн гүйцэтгэх захирал Фернандо Карро мэдэгдэхдээ, “Энэ бол гайхалтай ялалт байлаа. Бид дахин нэг гоол нэмж авах боломж байсан ч ялж чадлаа" гэсэн байна.
