"Жакарта-Палембанг 2018" Азийн Спортын наадамд оролцож буй манай улсын байт харвааны эрэгтэй баг рекурв буюу тахир нумын төрөлд хүрэл медалийн төлөө цэц сорихоор болсон.
Байт харваан эрэгтэй баг /ОУХМ Б.Адьясүрэн, ОУХМ Б.Отгонболд, ОУХМ Б.Пүрэвсүрэн/ 1/16-д гоц мөргөж, 1/8-д Бангладеш улсын багийг 6:2-ын харьцаагаар, 1/4-д Дэлхийн цомын 2 удаагын аварга Казакстан улсын багийг 5:3-ын харьцаагаар тус тус ялж шигшээ 4-т үлдсэн билээ.
Хагас финалд Тайвань улсын багтай харваж 6:0-ын харьцаагаар ялагдаж хүрэл медалийн төлөө БНХАУ-ын багтай цэц сорихоор болсон.
Мөн байт харвааны ОУХМ Б.Урантунгалаг, ОУХМ Б.Отгонболд нар холисон багын төрөлд хүрэл медалийн төлөө өрсөлдөнө.
Өнөөдөр буюу 8 сарын 27-нд Улаанбаатарын цагаар:
- Эрэгтэй баг: Монгол – БНХАУ (Хүрэл медалийн харваа) – 11:20 цаг
- Холимог баг: Монгол – БНХАУ (Хүрэл медалийн харваа) – 14:00 цаг
