Сургууль, цэцэрлэгийн үйл ажиллагааг Есдүгээр сарын 1-нээс танхимын болон цахим хэлбэрээр хослуулан эхлүүлэхээр болсон. Энэ дагуу Төрийн өмчийн ерөнхий боловсролын сургуулийн Нэгдүгээр ангид элсэх зургаан настнуудын бүртгэлийг орон даяар цахимаар зохион байгуулах юм.
Энэ жилийн цахим бүртгэлийн онцлог нь хүүхдийн оршин сууж буй хаягийн дагуу хамран сургах тойргийнх нь сургуульд урьдчилан хуваарилсан байгаа аж. Өмнө нь эцэг, эхчүүд өөрсдөө мэдээллээ оруулж, бүртгүүлдэг байсан билээ.
Бүртгэл: Эцэг эх, асран хамгаалагчид parent.edu.mn хаягаар нэвтэрч, хүүхдийнхээ регистрийн дугаарыг оруулснаар бүртгэлийг баталгаажуулах боломжтой.
Цахим бүртгэлийг баталгаажуулах хугацаа өнөөдөр буюу Наймдугаар сарын 16-ны 09:00 цагаас эхлэн Наймдугаар сарын 25-ны 17:00 цаг хүртэл үргэлжилнэ.
Цахим бүртгэлд 2015 оны Нэгдүгээр сарын 1-нээс 2015 оны Арванхоёрдугаар сарын 31-нд төрсөн хүүхдүүд хамрагдана.
Бүртгэлийн заавар:
