Сургууль, цэцэрлэгийн үйл ажиллагааг Есдүгээр сарын 1-нээс танхимын болон цахим хэлбэрээр хослуулан эхлүүлэхээр болсон билээ.
Шийдвэрийг дагуу, Нэгдүгээр ангид орох зургаан настнуудын бүртгэлийг Наймдугаар сарын 9-нөөс эхлүүлэх байсныг Наймдугаар сарын 16-наас эхлэн цахимаар явуулахаар болсон тухай нийслэлийн Боловсролын газраас мэдээллээ.
2021-2022 оны хичээлийн жилд 1515 цэцэрлэгт 232,000 хүүхэд, 854 сургуульд 718,817 сурагч 75 МСҮТ-д 40,165 суралцагч, 88 дээд сургуульд 150,100 оюутан суралцах юм байна.
-
Цэцэрлэгийн 4, 5 настай хүүхдүүд Есдүгээр сарын 1-нээс эхлээд танхимын болон танхимын бусаар ЕБС-тай адил эхлүүлнэ. Тав хоног танхимаар хичээлдээ ирнэ. Тав хоног гэртээ байж цахимаар хичээлээ хийнэ.
-
Ногоон бүс буюу халдваргүй бүсэд 100 хувь танхимаар хичээллэнэ. МСҮТ, коллеж, их дээд сургуулийн хичээл Есдүгээр сарын 1-нээс цахимаар хичээллэнэ. Есдүгээр сарын 13-наас цахим болон танхим хосолсон хэлбэрээр явуулна гэж Засгийн газрын хуралдаанаар шийдвэрлэсэн юм.
