УОК-ын шийдвэрийг эсэргүүцсэн ААН-үүдийн тоо нэмэгдсээр байна. 

Улсын Онцгой комиссын өчигдрийн хуралдаанаар халдвар тархах өндөр эрсдэл бүхий үйл ажиллагааны төрөл гэж үзэж саун, бассейн, фитнесийн үйл ажиллагааг 10 хоног зогсоохоор болсон. Мөн бүх төрлийн ресторан, кофе шопуудын заалаар үйлчлэхийг хориглосон шийдвэрийг дахин 10 хоногоор сунгах шийдвэр гаргасан. 

Уг шийдвэрийг эсэргүүцэж өнөөдөр ресторан, кофе шоп зэрэг үйлчилгээний байгууллагуудын зүгээс мэдэгдэл гарган халдвар хамгааллын дэглэмээ сайтар баримтлан цаашид үйл ажиллагаагаа хэвийн үргэлжлүүлэх болсноо цахим орчинд илэрхийлсээр байна.  

Тэгвэл, Монголын ресторан зоогийн газрын холбоо, ГҮТББ-ын удирдлагуудтай Хотын дарга Д.Сумъяабазар болон холбогдох албаныхан болох Нийслэлийн Захирагчийн ажлын алба, Нийслэлийн мэргэжлийн хяналтын газар, Нийслэлийн цагдаагийн газрын удирдлагуудтай хамтарсан уулзалтыг хийж байна.