Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, Ардчилсан хувьсгалын 32 жилийн ойг тохиолдуулан Ерөнхийлөгч Х.Баттулга зарлиг гаргаж, Монгол Улсын Хөдөлмөрийн баатар, Ардын болон Гавьяат цол, одон, медаль хүртээсэн билээ.
Ерөнхийлөгчийн зарлигийн дагуу төрийн одон, медаль гардуулах ёслол бямба гаригт үргэлжлэх аж.
Энэ өдөр шагнал хүртэгсдийн дунд Жүдо бөхийн ДАШТ-ий алт, мөнгө, хүрэл медальт, Ази тивийн алт, хошой хүрэл медальт Гавьяат тамирчин Мөнхбатын Уранцэцэг багтаж байгаа бөгөөд Ерөнхийлөгчийн зарлигаар түүнд Монгол Улсын Хөдөлмөрийн баатар цол хүртээхээр болжээ.
