Төсвийн хүрээнд 72 төсөл, үйл ажиллагаа буюу 11,630 хүүхдийн суудалтай 26 сургуулийн өргөтгөл, шинэ барилга, 3,225 ортой 24 цэцэрлэг, 1,680 хүүхдийн хүчин чадалтай 6 бага сургууль–цэцэрлэгийн цогцолбор, 1,525 хүүхдийн ортой 12 дотуур байр, 3 спорт заал, 960 хүүхдийн хүчин чадалтай Мэргэжил сургалт, үйлдвэрлэлийн төвийн барилгуудыг 2025 онд ашиглалтад оруулахаар ажиллаж байна.

Нийслэлд 8 сургууль (4,720 суудал), 13 цэцэрлэг (2,150 ор), 5 бага сургууль–цэцэрлэгийн цогцолбор (1,400 суудал), 1 спорт заал, орон нутагт 18 сургууль (6,910 суудал), 10 цэцэрлэг (1,075 ор), 12 дотуур байр (1,525 ор), 2 спорт заал, МСҮТ-ийн барилга (960 суудал) баригдаж байна.

Ачаалал өндөртэй байршилд СХД-ийн 62-р сургууль, ХУД-ийн 8-р хороо, БЗД-ийн 172-р цэцэрлэг, Олимп хотхоны сургууль ба спорт заал, СХД-ийн 24-р хороо, Хөвсгөлийн Мөрөн сумын Титэм сургууль, Замын-Үүд сумын сургууль, Орхон аймгийн МСҮТ, ХУД, БЗД, СХД, СБД дүүргийн хэд хэдэн шинэ барилга, өргөтгөлүүд хамаарч байна.

Эх сурвалж: БШУЯ