Нийгмийн даатгалын сан (НДС) Засгийн газрын урт хугацаатай бондод хийсэн хөрөнгө оруулалтынхаа хүрээнд анхны хүүгийн орлого болох 13.3 тэрбум төгрөгийг 2025 оны тавдугаар сарын 15-ны өдөр хүлээн авсан талаар Хөдөлмөр, нийгмийн хамгааллын яам мэдээллээ.

Энэхүү хөрөнгө оруулалт нь НДС-ийн 2024 оны төсвийн тухай хууль болон Засгийн газрын 14 дүгээр тогтоолд заасны дагуу хийгдсэн бөгөөд:

• 300.0 тэрбум төгрөгийн чөлөөт үлдэгдлийг

• 8.5–9.5 хувийн хүүтэй

• 1–3 жилийн хугацаатай

• хагас жил тутам хүүгийн өгөөж хүртэх нөхцөлтэй байдлаар Засгийн газрын үнэт цаасанд байршуулсан байна.

Энэ нь НДС анх удаа Засгийн газрын бондын хүүгийн өгөөжөөр сангийн хөрөнгийг үр ашигтай өсгөж чадсан жишээ болсон бөгөөд санхүүгийн сахилга баттай, эрсдэлгүй, найдвартай хөрөнгө оруулалт байсныг албаны хүмүүс онцолж байна.

Тус бондын дараагийн хүүгийн төлбөрийг хуваарийн дагуу энэ оны хоёрдугаар хагаст хүлээн авах юм.

Эх сурвалж: ГБХНХЯ