Жолооны үнэмлэх захиалахын тулд заавал олон хоног дугаарлаж, төрийн байгууллагаар явах шаардлагагүй болсон. Цахим хөгжил хурдацтай хөгжиж буй энэ үед E-Mongolia системээр дамжуулан жолооны үнэмлэхээ захиалах боломжтой бөгөөд гар утас, интернэт холболт байхад л хангалттай.
E-Mongolia системээр дамжуулан авах боломжтой үйлчилгээ:
- Шинээр жолооны үнэмлэх захиалах:
- Тээврийн хэрэгсэл жолоодох эрхийн шалгалтад тэнцсэн иргэн E-Mongolia системээр үнэмлэхээ захиалах боломжтой.
- Үүний тулд авто сургуульдаа үнэлгээний хуудас, фото зураг зэргийг урьдчилан хүлээлгэн өгсөн байх шаардлагатай.
- Мэдээлэл “Баталгаажсан” төлөвт шилжсэн тохиолдолд цахим захиалга хийх боломжтой болно.
- Нөхөн авах, хугацаа сунгах, хаясан бол дахин захиалах:
- Жолооны үнэмлэхээ хаяж үрэгдүүлсэн эсвэл хугацаа дууссан бол E-Mongolia-аар шууд захиалж болно.
- Мэдээлэл зөрүүтэй үнэмлэхийг засаж, дахин хэвлүүлэх:
- Хэрэв таны жолооны үнэмлэх дээр овог, нэр, регистрийн дугаар, цусны бүлэг зэрэг хувийн мэдээлэл зөрүүтэй бол дахин захиалахдаа холбогдох талбарыг засаж, шинэчилсэн үнэмлэхээ захиалж болно.
Захиалсан үнэмлэх хэр удаж хэвлэгдэн гарах вэ?
- Цахимаар жолооны үнэмлэхээ захиалсны дараа таны үнэмлэх 3–5 хоногийн дотор хэвлэгдэнэ.
- Дараа нь “Монгол шуудан” ХХК-аар дамжин Нийслэлийн нэг цэгийн үйлчилгээний төвүүдэд хүргэгдэнэ.
- Та 5–10 хоногийн дотор үнэмлэхээ хүлээн авах боломжтой.
Цахимаар захиалах:
- E-Mongolia системд бүртгэлээр нэвтэрч “Үйлчилгээнүүд” цэсээс “Жолоодох эрхийн үнэмлэх захиалах” үйлчилгээг сонгоно.
- Гарч ирсэн мэдээллийн талбарыг үнэн зөв бөглөж захиалгаа баталгаажуулна.
Биеэр очиж захиалах:
- Нийслэлийн үйлчилгээний нэгдсэн төвийн аль нэг салбарт хандаж, шаардлагатай бичиг баримттай очин жолооны үнэмлэхээ захиална.
Анхаарах зүйлс:
- Хувийн мэдээлэл (овог, нэр, регистр, цусны бүлэг) зөрүүтэй бол E-Mongolia-оор захиалга өгөх боломжгүй. Ийм тохиолдолд Цагдаагийн ерөнхий газрын Бүртгэл, хяналтын төвд биечлэн очиж захиална.
- Цагдаагийн байгууллагад эрэн сурвалжлагдаж буй мөн жолоодох эрх нь хасагдсан, хязгаарлагдсан иргэд захиалах боломжгүй байна.
Хэдхэн хормын дотор цахимаар жолооны үнэмлэхээ захиалаад цагаа хэмнээрэй!
Цахимаар шийдэж цагаа хэмнэе.
