2025 оны тавдугаар сарын 7-ны Лхагва гарагт нийслэл болон Төв аймагт цахилгаан шугам сүлжээнд төлөвлөгөөт засвар хийхтэй холбогдуулан хэрэглээ хязгаарлагдах хаяг, бүсүүдийг УБЦТС ТӨХК-аас танилцууллаа. Хэрэглэгчдийг засвар хийх хугацаанд цахилгааны хэрэглээгээ зохицуулж, аюулгүй байдлыг ханган ажиллахыг анхааруулжээ.

Баянзүрх дүүргийн хувьд 14, 20, 28-р хороодод цахилгаан хязгаарлах бөгөөд 14-р хорооллын 34, 41, 44-р байр, Түмэн настын байрнууд, Морнинг стар лэнд зэрэг газрууд өдрийн турш цахилгаангүй байна. Хар усан тохой, Хужирбулан, Солонго сувилал, УСУГ-ын худаг зэрэг обьектууд ч мөн багтаж байгаа юм.

Сонгинохайрхан дүүрэгт 12, 13, 42-р хороод хамрагдаж, 20-р хорооны орон сууцны хорооллууд, сургуулиуд, Петровис ШТС, Эрин интернэшнл зэрэг байгууллагууд, мөн Хайрханы 11–19-р гудамжууд цахилгаан тасарна.

Хан-Уул дүүргийн 1, 11, 15-р хорооны Скайгарден резиденс, Эм Энд Жи констракшн, Их Модун ХХК зэрэг газрууд цахилгаангүй байх бол Налайх дүүргийн Эрдэнэс сумын Аржанчивлан рашаан сувилал, цэргийн анги ойролцоо газрууд мөн адил цахилгаан хязгаарлалт хийгдэх юм.

Багахангай дүүргийн 1-р хорооны Алтны 1-р гудамж, Төв аймгийн Зуунмод сумын 80-р байр, Богд хотхон, Дэнжийн гэр хороолол зэрэг газруудад тодорхой цагийн хязгаарт цахилгаан тасрах төлөвтэй байна.

Томьёолсон хуваарийн агуулга:

• Баянзүрх дүүрэг – 14, 20, 28-р хороод

• Сонгинохайрхан дүүрэг – 12, 13, 42-р хороод

• Хан-Уул дүүрэг – 1, 11, 15-р хороод

• Налайх дүүрэг – Эрдэнэс сум

• Багахангай дүүрэг – 1-р хороо

• Төв аймаг – Зуунмод сум (2 хэсэгт)

Тодруулбал, засварын хугацаа тухайн байршлаасаа хамааран 09:00 цагаас 18:00 цагийн хооронд үргэлжлэх бөгөөд оршин суугчид болон байгууллагууд цахилгаан тасарсан хугацаанд гэрэлтүүлэг, хөргөгч, цахилгаан тоног төхөөрөмжүүдийг ашиглахгүй байх, ил задгай утас, залгууруудаас хол байхыг Онцгой байдлын болон эрчим хүчний байгууллагууд анхааруулж байна.

Эх сурвалж: УБЦТС ТӨХК