Нийслэлийн Засаг даргын 2025 оны 3 дугаар сарын 26-ны өдрийн А/373 захирамжаар ой, хээрийн гал түймрээс урьдчилан сэргийлэх зорилгоор нийслэлийн ногоон бүсэд дараах үйл ажиллагаануудыг тодорхой хугацаанд хориглосон байна. Үүнд:

• Ойн дагалт баялгийг ашиглах

• Аялал зугаалга, ууланд алхах

• Төгсөлтийн баярын арга хэмжээ зохион байгуулах

• Ил задгай гал гаргах

Эдгээрийг 2025 оны 3-р сарын 28-наас 6-р сарын 10-ныг хүртэл, мөн 9-р сарын 20-ноос 11-р сарын 10-ныг хүртэл хугацаанд хориглохоор заасан.

Нийслэлийн Онцгой байдлын газар болон бусад мэргэжлийн байгууллагууд хамтран өдөр бүр ногоон бүсэд эргүүл хяналт хийж байна. Сүүлийн амралтын өдрүүдэд л гэхэд нийслэлд шар өвсний 7 удаагийн гал түймрийн дуудлага бүртгэгдсэн бөгөөд онцгой байдлын алба хаагчид гал түймрийг даруй унтрааж ажилласан байна.

Цаг уурын байгууллагаас мэдээлснээр хуурайшилт ихтэй байгаа тул ой, хээрийн түймрийн эрсдэл маш өндөр байгааг онцолж байна.

Иймд дараах сэрэмжлүүлгийг дагаж мөрдөхийг уриаллаа:

• Ногоон бүсэд зорчихгүй байх

• Хашаан дахь шар өвс шатаахгүй байх

• Гагнуур хийхээс зайлсхийх

• Ил гал гаргахгүй байх

• Эргүүл хяналтын заавар, зөвлөмжийг дагаж мөрдөх

Эх сурвалж: Нийслэлийн Онцгой байдлын газар