Нийслэлийн авто замын түгжрэлийг бууруулах, нийтийн тээврийн үйлчилгээг саадгүй болгох зорилгоор Энхтайваны өргөн чөлөөний дагуух автобусны буудлуудыг халаас зогсоолгүй болгохоор шийдвэрлэжээ. Ингэснээр нийтийн тээврийн автобусууд нэгдүгээр эгнээгээр саадгүй зорчих боломжтой болох юм.
Нийслэлийн Замын хөгжлийн газрын дарга Б.Одбаяр хэлэхдээ, замын хөдөлгөөний зохион байгуулалтыг сайжруулж, зохиомол түгжрэлийг арилгах зорилгоор 2022 оноос зам дагуух зогсоолуудыг үе шаттайгаар хааж байгааг онцлов.
2025 онд хэрэгжих гол ажлууд:
-
10 байршилд шинээр зам барина
-
41 байршилд авто замыг шинэчилнэ
-
Тухайлбал, Саппорогийн уулзвараас Офицеруудын ордон хүртэлх замыг бүрэн шинэчлэх ажлыг эхлүүлжээ
Энхтайваны өргөн чөлөөний авто замын шинэчлэлтийн ажил дөрөвдүгээр сарын 2-нд эхэлсэн бөгөөд авто замын засварыг иргэдийн хөдөлгөөнд саад учруулахгүйгээр шөнийн цагаар, 22:00–06:00 цагийн хооронд гүйцэтгэж байна. Харин асфальтбетон хучилтыг амралтын өдрүүдэд хийхээр төлөвлөсөн байна.
Эдгээр ажлын үр дүнд нийслэлийн авто замын нэгдүгээр эгнээг тээврийн хэрэгсэл чөлөөтэй зорчих, нийтийн тээврийн үйлчилгээг хугацаанд нь хүргэх, замын хөдөлгөөний аюулгүй байдлыг сайжруулах нөхцөл бүрдэх юм.
Эх сурвалж: Нийслэлийн Замын хөгжлийн газар
Сэтгэгдэл (2)