Нэмэгдсэн өртгийн албан татварын (НӨАТ) буцаан олголтыг улирал тутам олгохоор хуульчилсан байдаг. Үүний дагуу 2025 оны нэгдүгээр улирлын буюу нэгдүгээр сараас гуравдугаар сарын НӨАТ-ын буцаан олголтыг дөрөвдүгээр сарын турш иргэдэд олгож дуусгах зохицуулалттай. Энэ талаар Татварын ерөнхий газрын улсын байцаагч н.Отгонбаяр “Өнөөдрөөс иргэдийн данс руу буцаан олголтыг шилжүүлж эхэлж байна” хэмээн мэдээлжээ.

Хэрэв иргэдийн нэгдүгээр улирлын баримтууд бүртгэгдээгүй, алдаа заасан тохиолдолд Татварын ерөнхий газрын эрсдэлийн тасагт хандан гомдол гаргаж, асуудлаа шийдвэрлүүлэх боломжтой юм. Мөн буцаан олголтоо авахын оронд автотээвэр, үл хөдлөх хөрөнгө, малын тоо толгой, газрын албан татвар, авто замын төлбөр зэрэг төрийн төлбөр хураамжид шилжүүлэн ашиглах боломжтой бөгөөд цахимаар болон аппликейшн ашиглан энэ талаар хүсэлтээ гаргах боломжтой байна.

Татварын ерөнхий газрын мэдээлснээр:

• Нэгдүгээр улирлын буцаан олголтыг дөрөвдүгээр сард,

• Хоёрдугаар улирлынхыг долдугаар сард,

• Гуравдугаар улирлынхыг аравдугаар сард,

• Дөрөвдүгээр улирлын буцаан олголтыг дараа жилийн нэгдүгээр сард тус тус олгохоор тогтсон байна.

Эх сурвалж: Татварын ерөнхий газар