x

ЭМГЭНЭЛ

Монгол Улсын Зөвлөх Инженер, “Термо Тех” компанийн үүсгэн байгуулагч Цэдэндамба овогтой Өсөхжаргал нь Дэлхийн дээвэр Эверестийн оргилд авирах өөрийн хүсэл мөрөөдөл, зорилгоо биелүүлж яваад тэнгэрт дэвшлээ. 

Ц.Өсөхжаргал нь Ерөнхий боловсролын 65-р сургуулийг 1987 онд, Худалдааны техникумыг 1990 онд төгсөж, 1990-1992 онд Халх голд Хилийн цэргийн алба хаажээ. 2003 онд ШУТИС-ЭХИСургуулийг “Дулааны инженер”-ийн бакалавр зэрэг, 2012 онд “Хөргөлтийн технологи ба кондиционерийн систем” мэргэжлээр магистрын зэрэг, 2009 онд Удирдлагын академийг Бизнесийн удирдлагаар тус тус дүүргэжээ.

Ц.Өсөхжаргал нь 2010 онд Мэргэшсэн инженер, 2019 онд Монгол Улсын Зөвлөх Инженер зэрэг цол хүртсэн ба Тэргүүний барилгачин цол тэмдгээр шагнуулж байжээ.

Ц.Өсөхжаргал нь ажлын гараагаа 1992 онд Буянт-Ухаа ОУНБ-д тоног төхөөрөмжийн Инженерээр ажиллаж байгаад 2003 онд “Термо Тех” компанийг үүсгэн байгуулж өдийг хүртэл Ерөнхий захирал, Зөвлөх инженерээр ажилласан.

2006 онд Монголын хөргөлтийн инженер, техникчдийн холбоо үүсгэн байгуулагдсанаар удирдах зөвлөлийн гишүүнээр ажиллаж, 2016 оноос “Монголын хөргөлт, халаалт, агааржуулалтын холбоо”-ны Ерөнхийлөгчөөр томилогдон өнөөдрийг хүртэл ажиллаж байжээ. Энэ хугацаандаа НҮБ-ийн Байгаль орчны хөтөлбөрийг Монгол улсад хэрэгжүүлэгч Озоны үндэсний албатай хамтран ажиллаж байсан ба Хөргөлт агааржуулалтын холбогдох стандартуудыг батлуулахад салбараа төлөөлөн оролцсон.

Тэрээр хөргөлт, агааржуулалтын салбартаа тууштай, үр бүтээлтэй, амжилттай ажиллаж, улс эх орныхоо бүтээн байгуулалтад өөрийн эзэмшсэн мэргэжил, арвин туршлагаа харамгүй зарцуулж, шинэ техник технологийг Монгол улсдаа нэвтрүүлэх, ирээдүйн инженер техникчдийг бэлтгэхэд хувь нэмрээ тасралтгүй оруулж, техникийн боловсролыг түгээн дэлгэрүүлж иржээ.

Ц.Өсөхжаргал нь 2013 оноос “Аялагч” клубт элсэн спортын гараагаа эхлүүлсэн бөгөөд 2015 онд Спорт явган аяллын I-р зэрэг, 2017 онд Уулын спортын II-р зэрэг хүртсэн байна. Энэ хугацаандаа Хэнтий нурууны ноён оргил Асралт хайрхан, Сутай хайрхан, Мөнхсарьдаг, Дэлгэрхаан хайрхнууд болон 2016 онд Европ тивийн ноён оргил Эльбрус /5642м/ -д амжилттай оргилдож байжээ.

Мөн “Жаргалант” уулчдын клубт байх хугацаандаа 2021 онд Памирын нурууны Ленин /7134м/ оргилд амжилттай гарч, гүйлтийн болон дугуйн спортоор тууштай хичээллэж олон амжилтыг гаргажээ.

2022 онд “Хүннү хайкинг” клубийг сайн нөхдийн хамтаар үүсгэн байгуулж олон залуусыг манлайлан, спортод уриалж зөв эерэг хандлагаар, үлгэр дуурайлал болсоор иржээ. 2023 онд Африк тивийн ноён оргил Килиманжаро /5895м/-д амжилттай оргилдсон. Ц.Өсөхжаргал нь Гүйлтийн спортын III-р зэрэгтэй ба 2022 онд Монгол улсын хамгийн өндөр, хамгийн бэрх авиралттай 10 ууланд авиралт хийн "Алтан ирвэс" цол тэмдгийн эзэн болсон байна. Мөн 2024 онд Балба улсын Лобуче /6119м/ оргилд амжилттай оргилджээ.

Бидний эрхэм хүндэт захирал Ц.Өсөхжаргал нь эртэч, маш хөдөлмөрч, ажилч хичээнгүй, мэргэжилдээ хайртай, ажлын хамт олныхоо төлөө өөрт байгаа бүх нөөц боломжоо дайчилж, итгэл урам зориг өгч, зааж сургах ажилд уйгагүй зүтгэдэг манлайлагч нэгэн байсан билээ. Термо Тех компанийн хамт олондоо үргэлж итгэдэг байсан ба амьдралын зөв хэв маягийг өдөр бүр өөрийн биеэр үлгэрлэн уриалж, инээмсэглэл эерэг зөв хандлагыг түгээн дэлгэрүүлэгч нэгэн байсан.

Та минь биднийгээ үүрд орхин одсон ч хамт олон тань танаараа бахархан, инээмсэглэл тодруулсан төрхийг тань сэтгэл зүрхэндээ үргэлж хадгалж явах болно.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Хандсүрэн (127.0.0.1)
    Ум ма ни бад мэ хум
    2024 оны 05 сарын 20 | Хариулах
iШинэ мэдээ
Үерийн аюулаас урьдчилан сэрэмжлүүлж байна 1 мин Европын орнуудаас ачаа бараагаа хурдан авах боломж нээгдлээ 6 мин Тэмээний үнэ 110 мянган төгрөгөөр буурчээ 10 мин СЭРЭМЖЛҮҮЛЭГ: Усны ослоор амиа алдсан иргэдийн тоо өнгөрсөн оны мөн үеэс 3.2 дахин нэмэгджээ 15 мин Хөгжлийн бэрхшээлтэй хүний эрхийн зөрчлийг илрүүлэх механизм бүрдүүлнэ 32 мин Төгрөгийн хадгаламж 4.9 их наяд төгрөгөөр нэмэгджээ 42 мин НАТО-гийн гишүүн 20 гаруй улс ДНБ-ий 2 хувийг батлан хамгаалахад зарцуулна 43 мин Өмнөговь аймагт газар хөдлөв 44 мин Казанийн наадмаас Монголын тамирчид найман медаль хүртээд байна 45 мин Улаанбаатарт зургаадугаар сарын 21-22-нд шилжих шөнө бороотой бөгөөд сар дуустал олон жилийн дунджаас сэрүүн байна 48 мин ХӨВСГӨЛ: Тул, зэвэг, хадран загасны 230 000 жарамгай бойжуулж байна 3 цаг 39 мин Өнөөдрөөс баруун болон төвийн аймгуудын нутгаар, цаашдаа ихэнх нутгаар усархаг аадар бороо орно 3 цаг 42 мин БНСУ-ын Засгийн газар энэ зун 1.3 сая айл өрхөд эрчим хүчний талон олгоно 3 цаг 44 мин ЗАВХАН: 449 иргэн үерт өртжээ 3 цаг 45 мин “Бостон Селтикс” 18 дахь удаагаа НБА-ийн аварга боллоо 3 цаг 49 мин Таван өдөр дараалсан бороо орно 3 цаг 50 мин Ховд гол үерийн түвшинг 30 см орчим давжээ 3 цаг 51 мин Монгол Улс өрсөлдөх чадвараар 61 дүгээрт жагсчээ 3 цаг 53 мин ХОВД: Торх улааны хүн чулуун хөшөө 3 цаг 54 мин Зочид буудал, дэн буудлаас 3000 гаруй зөрчил илрүүлэв 3 цаг 55 мин
iИх уншсан
Сөрөг хүчнээс хариуцлага нэхдэггүй юм!!! Сонгууль MMXXIV: Наадам биш найр болно Шүүх засаглал Монголын ардчиллын өмөг түшиг болон үлдэж байн... Хөрөнгийн хэмжээгээр тэргүүлсэн 50 нэр дэвшигчийн 18 нь МАН-... Үүлэн чөлөөний нар Г.Оюунгэрэл: АН эв нэгдэлтэй байж, манлайлаад явбал ард түмэ... Хатан зоригт эмэгтэйчүүддээ амжилт хүсье МАН-ын даргын ёрлосон ёрыг хүний амиар төлдөг боллоо О.Баасанхүү: Хүний аминд хүрсэн этгээд МАН-ын ухуулагч байса... "7 сарын 1" дахимааргүй байна аа, МАН дарга аа! Ард түмнийг сонгуультай байлгахгүйн төлөө бүх хууль гарч бай... А.Батсүх 460 хурдан удмын адуу, Г.Мөнхсайхан 3,010 толгой ма... УИХ-ын дарга тэргүүтэй 44 гишүүн, Ерөнхий сайд тэргүүтэй 14 ... Үл хөдлөх хөрөнгийн үнэлгээгээрээ Ч.Номин, Д.Өнөрболор нар н... Хууль зөрчсөн үйлдлийг яаралтай шалгаж, хариу өгөхийг АН шаа... Дампуурлаа зарласан нэрт дугуйчин Брэдли Уиггинс мөнгө олохы... Хуучин орон сууцны м.кв талбайн үнэ 14,7 хувиар нэмэгдэж, 3.... Боловсролын сайдтан төсвийн мөнгө, төрийн албан хаагчдыг сон... Л.Гантөмөр: Ган, бордоо, зэс боловсруулах үйлдвэр байгуулж, ... СЕХ: Г.Сайханбаярын нэрийг саналын хуудаснаас хасах боломжгү...
Top