Хууль зүй, дотоод хэргийн сайд Х.Нямбаатар Эрүүгийн хуульд нэмэлт, өөрчлөлт оруулах хуулийн төсөлтэй холбогдуулан мэдээлэл өгөв.

Тэрээр "Эрүүгийн хуульд гүтгэх гэх заалтыг нэгтгэж санаачилж оруулж ирж буй хүн нь УИХ-ын гишүүн Б.Энхбаяр. Доромжлох заалтын тухайд олон хүүхэд, сошиал гадуурхал доромжлолын золиос болж, амь нас, эрүүл мэндээрээ хохирч байна гэдэг асуудал оруулж ирсэн. Зөвхөн хэдэн сэтгүүлчид хүн доромжлох эрхтэй, бусад нь хамаагүй гэдэг агуулгаар хууль эрх зүйн агуулга явж болохгүй байх аа. Яагаад гэвэл өсвөр насны охид, хөвгүүд бие биенээ доромжлон гадуурхсанаас болж амь нас, эрүүл мэндээрээ хохирч байгаа статистик тооцоог хууль хэлэлцэх явцад танилцуулна.

Сэтгүүлч нар хэнийг ч хамаагүй доромжилдог, эсвэл захиалгаар хүн доромжлох, гүтгэх компани байгуулж, тэр нь далд хэлбэрийн бизнес болчихсон. Тэрний оронд Монголын ирээдүй болсон хүүхдийн амь нас, эрүүл мэнд юу юунаас чухал. Хоёрдугаарт, энэ бол цоо шинэ зүйл биш. Өмнө нь байсан зохицуулалт” гэлээ.