x

Шилийн богдод бөөгийн зан үйл хийсэн хүмүүс гал алдаж, түймэр тавьжээ

Сүхбаатар аймагт энэ сарын 22-ны өдөр тал хээрийн болоод обьектын гал түймрийн хэрэг гарсан. Шилийн богд ууланд гарсан түймрийг Дарьганга сумын хэсгийн төлөөлөгч, нутгийн иргэд нийлж газар авахуулалгүй унтраасан юм. 

Түймрийн улмаас Дарьганга сумын нутаг байгалийн дурсгалт газар болох Шилийн богд уулын хойд энгэр хэсэгт уртаашаа 800м, өргөн нь 400м газар талбайд суулгасан таримал мод, өвс шатаж, их хэмжээний хохирол учирсан. 

Орон нутгийн цагдаагийн байгууллага гал түймэр тавьсан байж болзошгүй Улаанбаатар хотын харьяат таван иргэнийг олж тогтоон саатуулж, мөрдөн шалгах ажиллагаа явуулж эхэлсэн байгаа. 

Харин энэ түймэрт Шилийн богд ууланд суулгасан уртаашаа 800м, өргөн нь 400м талбайд суулгасан таримал, сакура зэрэг мод, өвс шатсан бөгөөд хохирлын хэмжээг хараахан тогтоогоогүй байгаа юм байна.

Эх сурвалжуудын мэдээллээр Улаанбаатар хотоос очсон, нэг машинтай таван хүн бөөгийн зан үйл хийж байгаад гал алдсан байна. Улмаар хэргийн газраас зугтаж явахад нь сумын хэсгийн төлөөлөгч саатуулсан аж.

Иргэдэд анхааруулж хэлэхэд таны болгоомжгүй нэг үйлдлээс болж, ил задгай гал түлэх, татсан тамхины ишээ унтраалгүй хаях, шашны зан үйл үйлдэж гал гаргах зэргээс үүдэн хүрээлэн байгаа орчинд нөхөж баршгүй гарз хохирол учирч та өөрөө гэмт хэрэгтэн болж ажил, амьдралаараа давхар хохирох эрсдэл үүсэж байгааг цагдаагийн байгууллагаас сэрэмжлүүллээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Top