Өнөөдөр Налайх дүүрэгт үйл ажиллагаа явуулдаг бичил уурхайд осол гарч, дөрвөн хүн дарагдсан байна. Онцгой байдлын ерөнхий газрын аврах анги, цагдаагийн албан хаагчид ослын газарт шуурхай ажиллан дөрвүүлэнг нь нурангиас гаргаж чадсан ч гурав нь (27-47 настай) газар дээрээ нас барсан байна. Амьд үлдсэн нэг иргэнд яаралтай тусламж үйлчилгээ үзүүлж, эмнэлэгт хүргэжээ.