x

Согтуугаар тээврийн хэрэгсэл жолоодсон 92 жолоочийг илрүүлэн хариуцлага тооцжээ

Өнгөрсөн амралтын өдрүүдэд зам тээврийн ослын улмаас орон нутагт 1 хүний амь нас хохирч, 12 хүн гэмтэж бэртсэн байна. 

Тухайлбал, 2019.04.14-нд Дорноговь аймгийн Айраг сумын нутаг “Баруун бэлх” гэх газар асфальтан замд lexus RX маркийн автомашин нь улсын дугааргүй ИЖ-5 маркийн мотоциклтой мөргөлдөж, мотоциклын жолооч 58 настай Э амиа алджээ.

Мөн СХД-ийн нутаг 21 дүгээр хорооллын уулзварт T.Mark2 маркийн автомашины жолооч нь согтууруулах ундааны зүйл хэрэглэсэн үедээ тээврийн хэрэгсэл жолоодож Suzuki Wagon, T.Pruis маркийн автомашинуудтай мөргөлдөж, нэг хүн гэмтсэн байна.

Дээрх хэргүүдийг харьяа цагдаагийн байгууллагад шалгаж байгааг Тээврийн Цагдаагийн Албанаас мэдээллээ.

Хоёр өдөрт нийт ослын 10 нь явган зорчигч мөргөж гэмтээсэн, 12 нь мөргөлдөх хэлбэрээр, үл хөдлөх зүйл мөргөсөн 1 осол тус тус бүртгэгджээ.

Согтуугаар тээврийн хэрэгсэл жолоодсон 92 жолоочийг илрүүлэн хуулийн дагуу хариуцлага тооцсон байна.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Top