x

Сургууль, цэцэрлэгийн барилгуудын ажлыг хянаж, шахаж ажиллахыг үүрэг болгов

Монголын багш нарын VII их хурлын үеэр Боловсрол, Соёл, Шинжлэх ухаан, спортын сайд Ё.Баатарбилэг, дэд сайд Г.Ганбаяр нар Нийслэл болон 21 аймгийн Боловсрол, соёл урлагийн газрын дарга нартай шуурхай хуралдаан зохион байгуулж, салбарт тулгамдсан асуудлуудыг шийдвэрлэхэд зөвхөн яам төдийгүй харьяа байгууллага, орон нутгийн оролцоо, дэмжлэг чухал болохыг онцлон тэмдэглэв.

Сайд Ё.Баатарбилэг 2019 оныг БСШУС-ын яам “Иргэний ёс зүйн боловсролын жил” болгон зарлаж, гурван зорилт дэвшүүлснээ танилцуулж, бодлого зорилтоо бодитой ажил хэрэг болгохын тулд шуурхай ажиллана, яамны зүгээс орон нутагт удаа дараа очиж, нөхцөл байдалтай газар дээр нь танилцана гэлээ.

Дэд сайд Г.Ганбаяр “Салбарын хөрөнгө оруулалтын ажлуудыг эрчимжүүлэх” зорилтын хүрээнд аймаг, дүүрэг бүрт ажлын явц хэдэн хувьтай байгааг нэгбүрчлэн танилцуулж, сургууль, цэцэрлэг, соёлын барилгуудын ажил аль шатандаа явж, зарим нь юунаас болоод удаашралтай байгааг өдөр бүр анхаарч, гарц гаргаж, хянаж, шахаж ажиллахыг үүрэг болголоо. 

БСШУСЯ

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • зочин
    Тендерийг нь шалгаруулсан хүмүүст их учир байдаг юм байна лээ шүү. Гүйцэтгэгч гэж нэг хүнтэй шахуу компани байдаг. тэр нөхөр нь 100 айлаас "би чадна аа" -уудаас хүмүүс цуглуулаад олон хууль дүрэм зөрчиж боолын гэрээгээр ажиллуулдаг нийтлэг дүр зураг байна. сургууль, цэцэрлэгийн эрхлэгч багш, ажилчид л зовдог юм байна лээ. яам, аймаг, хот, дүүргийн боловсролын газрын ажилтнууд ёстой буруу зөрүү мэдээ сайддаа дамжуулаад л хөөрхөн саад тотгор хийнэ. Ганбаяр сайд залуу хүн ийм байдлыг их сайн хянаж цагдаж өөрөө биечлэн ажиллаарай. муу муухай юм хийдэг амьтдыг илрүүлж зарла.
    2019 оны 04 сарын 15 | Хариулах
Top