x

ХААИС-ийг Хөдөлмөрийн гавьяаны улаан тугийн одонгоор шагналаа

Монгол Улсын Ерөнхийлөгч Х.Баттулга зарлиг гаргаж Монгол Улсын Хөдөө аж ахуйн их сургуулийг өнөөдөр Төрийн дээд шагнал Хөдөлмөрийн гавьяаны улаан тугийн одонгоор шагналаа.

Монгол Улсын Ерөнхийлөгч Х.Баттулгын Хөдөлмөрийн гавьяаны улаан тугийн одонгоор шагнах зарлигт:

“Мал аж ахуй, ургамал хамгаалал, газар тариалан, мал эмнэлэг, нийгэм, эдийн засгийн чиглэлийн дээд боловсролтой мэргэжилтнүүдийг тасралтгүй бэлтгэж, тус салбаруудыг системтэй, үр өгөөжтэй хөгжүүлэх боломжоор хангаж, сургалт судалгааг хослуулан Монгол Улсын хөдөө, аж ахуйн хөгжил дэвшилд үнэлж баршгүй хувь нэмэр оруулсан сургуулийн үе үеийн ажилтан албан хаагч, багш эрдэмтдийн хичээл зүтгэлийг үнэлж Хөдөө, аж ахуйн их сургуулийг Хөдөлмөрийн гавьяаны улаан тугийн одонгоор шагнасугай” гэжээ.

Энэхүү зарлигийг уншиж танилцуулсны дараа Монгол Улсын Ерөнхийлөгч Х.Баттулга Хөдөлмөрийн гавьяаны улаан тугийн одонг сургуулийн туганд хүндэтгэлтэйгээр зүүн өгч, батламж гардууллаа. Мөн тус сургуулийн эрдэмтэн багш нар, үе үеийн төгсөгч, оюутан суралцагч, ажилчдад баяр хүргэж үг хэлэв.

Ерөнхийлөгч Х.Баттулга: 

“Эрхэм хүндэт эрдэмтэн, багш, оюутнууд аа!

Жаран жилийн тэртээ, Монгол Улс хөгжлийн шинэ үе шатанд дэвшин орохын тулд хөдөө аж ахуй, аж үйлдвэрийн орон болох зорилт дэвшүүлж, хөдөө аж ахуйн салбарт түүхэн өөрчлөлт, шинэчлэл хийсэн билээ. 1958 онд мал аж ахуй, газар тариалангийн салбарт дээд боловсролтой мэргэжилтэн бэлтгэх бодлогыг өргөтгөж, Хөдөө аж ахуйн дээд сургуулийг мал эмнэлэг, зоо техник, агрономийн гэсэн гурван салбартайгаар анх байгуулж байжээ.

Хөдөө аж ахуйн салбарын мэргэжилтэн бэлтгэх судалгаа шинжилгээний гол төв болсон Хөдөө аж ахуйн их сургууль нь манай улсын нийгэм эдийн засгийн хөгжилд гарамгай гавьяа байгуулсан юм. ХААИС нь өнөөдрийг хүртэл 5523 малын эмч, 6177 мал аж ахуйн мэргэжилтнүүд, 5116 хөдөө, аж ахуйн инженер, 7765 агрономич, 8154 эдийн засагч, нягтлан бодогчдыг сургажээ.

Өнөөдөр улс орны өмнө нэн чухал зорилтууд тавигдаж байна. Уул уурхайгаас хамааралтай өрөөсгөл эдийн засгийг олон тулгууртай болгох, экспортод боловсруулсан бүтээгдэхүүний жин хэмжээг нэмэгдүүлэх зайлшгүй шаардлага тулгарлаа.

Монгол орны хөгжлийг хөдөө аж ахуйн салбаргүйгээр төсөөлөхөд бэрх. Гэвч 1990 оноос хойшх 28 жилд бид хөдөө аж ахуйн салбарыг хөгжүүлэх дорвитой бодлого, тодорхой зорилтгүй, зөвхөн урсгалаараа явж иржээ. Үнэн хэрэгтээ одоо манай улс уул уурхай хэмээх ганцхан салбараас хараат эдийн засагтай улс бөгөөд нэг салбараас хараат эдийн засагтай байх нь олон талын эрсдлийг дагуулж байгааг бид мэдэж байгаа. Өнөөдөр бид өндөр түвшинд эдийн засгийн хөгжил, улсын эдийн засаг ямар түвшинд байгааг бүгд мэдэх билээ. Уг нь манай улсын эдийн засгийн суурь салбар болсон хөдөө, аж ахуйг эрчимтэй бодлогоор хөгжүүлж чадвал уул уурхайгаас дутахааргүй орлого олох бүрэн боломжтой, чухал ач холбогдолтой салбар гэдэгтэй та бүхэн надтай санал нийлэх байх.

Эдийн засгийг олон тулгуурт болгож тэр дундаа ажлын байрыг олноор бий болгодог тогтвортой эдийн засгийн суурийг бий болгохын тулд хөдөө аж ахуйн бүтээгдэхүүнд суурилсан аж үйлдвэрийн цогцолборыг, түүхий эдийн чанарын цогц системтэй, бизнес, эдийн засгийн үр дүнтэй стратегийн хүрээнд, гадаад худалдааны зөв зохицуулалтуудыг эдийн засгийн хамтын ажиллагааны орнуудтай хэрэгжүүлэх нь Монгол Улсын эдийн засгийн нэн тэргүүний төрийн бодлого болоод байна.

Жишээлбэл, арьс ширний салбарын хувьд Итали, Австрали, Испани зэрэг улсууд технологи, бэлтгэн нийлүүлэлт, аж үйлдвэр, хүний нөөц болон худалдаа, санхүүгийн цогц бодлогуудыг урт хугацааны тууштай бодлогын хүрээнд нэгж арьснаас олох нэмүү өртөг шингээсэн бүтээгдэхүүн нь хамгийн өндөрт байна.

Миний бие Хөдөө аж ахуйн сайд байхдаа хөдөө, аж ахуйн салбарыг хөгжүүлэх, малчдын орлогыг баталгаатай болгох бодлого гаргаж, УИХ-аар батлуулж байсан. 2018 онд одоогийн Засгийн газар дээрх шийдлийн хүрээнд шийдвэр гаргаж Дарханд Арьс ширний аж үйлдвэрийн цогцолборыг байгуулах газар, дэд бүтцийг шийдэж өгсөн нь бодлогын ажлын эхлэл болох ёстой. Энэ ажил урагштай яваасай гэж хүсэж байна.

Малын тоо толгой 70 саяд хүрлээ. Малынхаа орлогыг дагаж амьдардаг 170 орчим мянган өрхийн амьдрал баталгаатай болох ёстой. Энэ манай улсын бодлого байх ёстой.

Бэлчээрийн даац хэтэрч, байгаль орчны доройтол эрчимтэй явагдаж, уур амьсгалын өөрчлөлт таамаглахын аргагүй төлөв байдалд орсон гээд олон асуудал байгаа боловч, гарах гарц, шийдлээ бид олж чадахгүй байна. Хөдөө аж ахуйн салбар нь өндөр хөгжсөн, энэ салбараас олон тэрбум ам.долларын экспорт хийж чаддаг улс орнуудын технологийг судалж, суурилуулж, хамтран ажиллана гэдгийг хэлмээр байна.

Эрхэм эрдэмтэн, багш, оюутнууд аа!

Хүн төрөлхтөн экологи, байгаль шинжлэл, биотехнологи, генийн инженерчлэлийн хөгжлөөс ихээхэн хамаарах болсон энэ цаг үед Та бүхэн мэдлэг оюун, ур чадвар туршлагаа эх орныхоо хөгжил шинэчлэлд бүрэн зориулна гэдэгт гүнээ итгэж байна.

Сайн, сайхан бүхнийг хүсэн ерөөе. Баярлалаа” гэв.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
“Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүлэв 40 мин Монгол Улсын Засгийн газар, НҮБ-ын хамтарсан удирдах хорооны хуралдаан боллоо 1 цаг 5 мин Шар усны үерийн аюулаас урьдчилан сэргийлнэ үү! 1 цаг 23 мин П.Сайнзориг: Шинэ Зуунмод дагуул хотыг байгуулснаар Улаанбаатарын төвлөрөл, түгжрэл бүрэн шийдэгдэхгүй 1 цаг 40 мин Өнөөдөр нутгийн зүүн хэсгээр салхитай хүйтэн байна 1 цаг 59 мин ЗГХЭГ-ын даргын хэлсэн ДОЛООН ХУДАЛ 14 цаг 23 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ 14 цаг 33 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна 15 цаг 35 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ 15 цаг 53 мин "Титаник” киноны Рөүзийн амийг аварсан тавцанг дуудлагаар худалджээ 15 цаг 53 мин Хотын төвийн зогсоолуудад 47,400 автомашин бүтэн өдрөөр байршдаг 16 цаг 1 мин Цусны хорт хавдрыг ялан дийлсэн Икээ Парисын Олимпод өрсөлдөнө 16 цаг 13 мин Ойрын хоёр хоногтоо нутгийн зүүн хэсгээр салхитай хүйтэн байна 16 цаг 27 мин Дотоодын цэрэг өндөр чадвартай хөдөлгөөнт хүчинтэй болно 16 цаг 30 мин Голомт банк “Их засаг” олон улсын их сургуультай хамтран ажиллана 16 цаг 43 мин Гамшгийн үеийн зарлан мэдээллийн дуут дохиотой дадлага сургуулилалт хийлээ 16 цаг 47 мин Зарлан мэдээллийн дохиогоор дадлага сургуулилалт хийлээ 17 цаг 0 мин Дөрөвдүгээр сард болох үндэсний бөхийн барилдааны хуваарь 17 цаг 36 мин Өнөөдөр 16:00 цагт орон даяар гамшгийн дохио дуугарна 19 цаг 50 мин Палестиныг дэмжигчид Пентагоны шефийн гэрийн урд өтгө бууц асгажээ 19 цаг 53 мин
iИх уншсан
Хуулиар засаглах биш, хуульчдаасаа хулгайлдаг ТӨР Найруулагч П.Лхагвадулам: Сэтгэлээс гардаггүй тийм л мэдрэмж... 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Чингэлэг чингэлгээр зөөсөн нүүрсний мөнгийг Сү.Батболдын "бо... Н.Учрал гишүүний эргэн ирэлт ба Эмийн жорын “цахимжилт” ОРОС дахь АЛЛАГА Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Дөрөвдүгээр сард ихэнх нутгаар салхи шуургатай, хүйтэн байх ... Батсүмбэр сумын 100 жилийн ойн барилдаанд улсын заан Б.Серик... Эрчим хүчний шилжилт хийх өрхүүдийг сонгон шалгаруулж байна Маргаашнаас баруун, зүүн аймгуудад цасан шуурга шуурна Москвад болсон зэвсэгт халдлагын хариуцлагыг "Исламын улс" б... Японд болсон газар хөдлөлтөөс хүчтэй хөдлөлт манай оронд дөр... Монгол Улсын Ерөнхийлөгч У.Хүрэлсүх ОХУ-ын Ерөнхийлөгч В.Пут...
Top