Өнөөдөр Улаанбаатарт болон олон нийтэд чиглэсэн хэд хэдэн арга хэмжээ, үйл ажиллагаа төлөвлөгджээ. 9:30 цагт “Чингис хаан” үндэсний музейд “Монгол-Оросын иргэншил хоорондын харилцаа: түүхэн ба орчин үе” эрдэм шинжилгээний хурал эхэлнэ. 11:00 цагт НОБГ-т нийслэлийн хэмжээнд хүн, мал амьтны гоц халдварт өвчнөөс урьдчилан сэргийлэх хяналт шалгалтын талаар мэдээлэл өгнө. 12:00 цагт Lumino хамтлагийн хэвлэлийн хурал “Socialpay” паркт болно.
Өнөөдрийн онцлох үйл явдлуудын дунд Прокурорын албаны өдөр тохиож байгаа бөгөөд МУЭ-ийн үзэсгэлэнгийн танхимд Монголын хүүхэлдэйн уран бүтээлчдийн нэгдсэн үзэсгэлэн, Монголын Үндэсний музейд “Монгол авдар” тусгай үзэсгэлэн үргэлжилж байна. Мөн нийслэлийн есөн дүүргийн 19 байршилд хичээлийн шинэ жилийн үзэсгэлэн худалдаа, “E-Mongolia” системээр иргэдийн саналыг хүлээн авах болон сургуулийн өмнөх боловсролын бүртгэл үргэлжилж байгаа юм.
Хилийн чанадад БНХАУ-ын Чэндү хотод болж буй “Дэлхийн спортын наадам”-д Монголын баг тамирчид жюү жицү, пауэрлифтинг, самбо зэрэг төрөлд өрсөлдөж байна.
