2025 оны наймдугаар сарын 4-10-ны хооронд нийслэлийн 8 дүүрэг, 18 аймгийн 39 суманд аюулт үзэгдэл, ослын нийт 73 удаагийн дуудлага бүртгэгдсэн гэж Онцгой байдлын байгууллага мэдээллээ.

Дуудлагын дагуу төв болон орон нутгийн Онцгой байдлын алба хаагчид үүрэг гүйцэтгэж, 6 иргэний амь насыг аварч, шаардлагатай тусламж үйлчилгээ үзүүлсэн байна.

Нийт дуудлагын 53 нь объектын гал түймэр, 2 нь ой, хээрийн гал түймэр, 4 нь хүчтэй салхи шуурга, 1 нь үерийн дуудлага, 13 нь хүний үйл ажиллагаатай холбоотой осол байжээ.