Энэ оны зургаадугаар сарын 7-ны өдөр 12 цагийн орчимд “Хашааны гадна хүүхэд автомашинд мөргүүлсэн байна” гэх дуудлага мэдээлэл цагдаагийн байгууллагад бүртгэгджээ. Тодруулбал, жолоодох эрхгүй иргэн М нь Toyota Prius-30 маркийн автомашин жолоодож, урагш хөдлөхдөө нэг настай бага насны хүүхдийг мөргөж гэмтээсэн байна.

Хүүхэд эмнэлэгт хүргэгдэн эмчлүүлж байх үедээ харамсалтайгаар амь насаа алдсан бөгөөд уг хэргийг Өвөрхангай аймгийн Хархорин сумын цагдаагийн газар шалгаж байна.

Цагдаагийн байгууллагаас дараах сэрэмжлүүлгийг өгч байна:

• Жолооны эрхгүй бол тээврийн хэрэгсэл жолоодохгүй байх

• Машин жолоодохоосоо өмнө эргэн тойрноо сайтар шалгах

• Бага насны хүүхэд байгаа эсэхийг анхаарах

• Эцэг эх, асран хамгаалагч нар хүүхдээ автомашины бүс орчимд тоглуулахгүй байх

Энэхүү хэрэг нь жолооны хариуцлагагүй байдал, анхаарал болгоомжгүй үйлдэл нэгэн айлын амьдралд хэзээ ч нөхөж баршгүй гарз учруулж болохыг дахин сануулж байна.

Эх сурвалж: Цагдаагийн Ерөнхий Газрын Хэвлэл, Мэдээллийн Төв