Сүхбаатар дүүргийн 1-р хороо, Чингэлтэй дүүргийн 1-р хорооны нутаг дэвсгэрт байрлах Энхтайваны өргөн чөлөөний Цэцэг төвөөс Төв шуудангийн уулзвар хүртэлх хэсгийг 2025 оны зургаадугаар сарын 11-ний 22:00 цагаас зургаадугаар сарын 12-ны 22:00 цаг хүртэл түр хугацаанд бүрэн хааж, хэсэгчилсэн засвар, шинэчлэлийн ажил хийхээр болжээ.

Засвар, шинэчлэлийн хүрээнд авто замын зорчих хэсэгт асфальтбетон хучилт тавих, тэмдэг тэмдэглэгээ хийх ажлыг гүйцэтгэнэ. Энэ хугацаанд тухайн хэсгийн замын хөдөлгөөнийг бүрэн хязгаарлах тул иргэд, жолооч нар бусад замыг сонгон хөдөлгөөнд оролцохыг холбогдох байгууллагууд уриалж байна.

Энэ нь Энхтайваны өргөн чөлөөний авто замын аюулгүй байдал, зорчих чадварыг нэмэгдүүлэх зорилготой бөгөөд богино хугацаанд үр дүнтэй зохион байгуулахыг зорьж буйг албаны эх сурвалж онцолжээ.

Эх сурвалж: НЗДТГ