2025 оны зургаадугаар сарын 5-ны Лхагва гарагт улс, олон улсын хэмжээний анхаарал татахуйц үйл явдлууд дараах байдлаар болох гэж байна. Тус өдөр нь дэлхий нийтээрээ Дэлхийн байгаль орчны өдөр хэмээн тэмдэглэж байгаагаараа онцлогтой.

Улаанбаатар хотод:

• 09:00 цагт: Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын X бага хурал “Улаанбаатар” зочид буудалд эхэлнэ. Энэхүү хуралд олон улсын зочид төлөөлөгчид оролцох ба бүс нутгийн аюулгүй байдлын тулгамдсан асуудлыг хэлэлцэнэ.

• 09:00 цагт: “Монгол–Польшийн харилцаа болон Польш улсын Европын холбоог даргалж буй үеийн чиг хандлага” сэдэвт олон улсын эрдэм шинжилгээний хурал МУИС-д зохион байгуулагдана.

• 11:00 цагт: ДЦС-3 ТӨХК-д гарсан үйлдвэрлэлийн осол, хүний амь эрсэдсэн асуудлаар Монголын үйлдвэрчний эвлэлийн холбооны байранд хэвлэлийн хурал болно.
  Холбогдох утас: 99149240

• 11:00 цагт: Саха Якутын гар урчуудын адууны дэл сүүлээр урласан сүлжмэл эдлэлийн үзэсгэлэн Монголын Үндэсний музейд нээгдэнэ.

Орон нутагт:

• Архангай аймгийн музейд “Байгалийг ойроос” сэдэвт түр үзэсгэлэн гарч байгаа бөгөөд үзэсгэлэн долоодугаар сарын 28-ныг хүртэл үргэлжилнэ.

Хилийн чанадад:

• Чехийн Үндэсний музейд “Чингис хаан” олон улсын үзэсгэлэн 6 дугаар сарын 22-ныг хүртэл гарч байна. Үзэсгэлэн өдөр бүр 09:00 цагаас нээлттэй.

Эх сурвалж: Сэтгүүлчдийн албан ёсны эх сурвалжууд, МҮЭ-ийн холбоо, МУИС, Үндэсний музей