2025 оны тавдугаар сарын 18-ны өдөр 18 цаг 30 минутын орчимд баригдаж буй барилгын 11 давхраас хүн унаж нас барсан тухай дуудлага цагдаагийн байгууллагад бүртгэгдсэн байна.

Уг дуудлагын дагуу Сүхбаатар дүүргийн цагдаагийн газрын хоёрдугаар хэлтсээс шалгалт явуулахад, 40 настай, эрэгтэй “М” нь тухайн барилгын компанид ажилд орсон анхны өдрөө туслах ажилтнаар ажиллаж байсан бөгөөд тагтны тавцан дээр эд зүйл зөөж байхад өндрөөс унаж амиа алджээ.

Хэрэг явдлыг холбогдох байгууллага үргэлжлүүлэн шалгаж байна.

Дулааны улирал эхэлж барилга, тохижилт, үйлчилгээний ажил ид өрнөж буй энэ үед барилгын ажил олгогчид ажилчдынхаа хөдөлмөрийн аюулгүй байдлыг хангах, мөн барилгын талбайд ажиллаж буй иргэд хөдөлмөрийн аюулгүй ажиллагааны дүрэм, журмыг чанд мөрдөх шаардлагатай байгааг холбогдох албанаас анхаарууллаа.

Эх сурвалж: Цагдаагийн Ерөнхий Газрын Хэвлэл, мэдээллийн төв