“Оюу толгой” ХХК Архангай аймгийн Жаргалант сумын 24 байршлын 2138 га талбайд 2026-2030 оны хооронд нийт 5 сая 345 мянган шинэс мод тарих томоохон ойжуулалтын ажлыг хэрэгжүүлэхээр төлөвлөжээ.
Энэхүү ажлын хүрээнд 2025 онд 5 га талбайд мод үржүүлгийн газар байгуулах, тарьц, суулгац үржүүлэх, цаашдын үйл ажиллагааг тогтвортой үргэлжлүүлэх зорилгоор мэргэжлийн, туршлагатай, орон нутгийн ханган нийлүүлэгчид оролцохыг уриалж, сонирхсон байгууллагуудад зориулсан мэдээллийн уулзалтыг энэ сарын 23-ны өдөр Архангай аймгийн ЗДТГ-ын сургалтын танхимд нээлттэй зохион байгуулах юм.
“Оюу толгой” ХХК нь ойжуулалт, ойн нөхөн сэргээлтийн хүрээнд өмнө нь Өмнөговь, Сэлэнгэ, Дархан-Уул, Архангай, Төв аймагт нийт 10.2 мянган га талбайд 20.5 сая мод тарих зураг төслөө батлуулсан бөгөөд энэ нь тус компанийн байгальд ээлтэй, урт хугацааны төлөвлөлттэй ажлын нэг хэсэг юм.
Эх сурвалж: Оюу толгой ХХК
