Өнөөдөр улс орны хэмжээнд олон чухал үйл явдал, уулзалтууд болохоор төлөвлөгджээ.

Олон улсын уулзалт, хуралдаанууд

• 09:00 цагт – Хүүхэд хамгааллын тухай хуулийн хэрэгжилтийн хүрээнд 833 нийгмийн ажилтныг чадавхжуулах сургалт ГБХНХЯ-ны сургалтын танхимд эхэлнэ.
• 11:00 цагт – Бүсчилсэн хөгжлийн Үндэсний хорооны ээлжит хуралдаан Төрийн ордны Жанжин Сүхбаатар танхимд эхэлнэ. Хуралдааны дараа Шадар сайд С.Амарсайхан мэдээлэл өгнө.
• 11:00 цагт – "Эдийн засгийн үр ашигтай олон улсын цогц шийдэл" олон улсын бизнес эрхлэгчдийн уулзалт МҮХАҮТ-д болно.
• 11:00 цагт – Монголбанк 2024 оны нийгэм, эдийн засгийн тойм болон статистик мэдээллийг танилцуулах хэвлэлийн хурал Монголбанкны Г байрны 2 давхарт болно.
• 11:00 цагт – Томуу, томуу төст өвчний нөхцөл байдлын талаарх мэдээлэл ХӨСҮТ-ийн зааланд болно.
• 11:00 цагт – “Инженер, технологийн дээд боловсрол” төслийн хүрээнд тоног төхөөрөмж хүлээлгэн өгөх ёслол МУИС-д болно.
• 10:00-12:00 цагт – Азийн өвлийн спортын IX наадамд оролцох Монголын баг тамирчдад хүндэтгэл үзүүлэх ёслол Монголын Үндэсний Олимпын Хорооны 407 тоот хурлын танхимд болно.

Соёл, урлаг, спортын үйл явдлууд

• 11:30 цагт – GUYS хамтлагийн “GOOD LUCK” шоу тоглолтын талаар мэдээлэл “Зууны мэдээ” сонины Үндэсний мэдээллийн төвд болно.
• 12:00 цагт – Монголын Үндэсний морин уралдаан, Уяачдын холбооноос Хаврын уралдааны талаар байр сууриа илэрхийлэх хэвлэлийн хурал “Зууны мэдээ” сонины Үндэсний мэдээллийн төвд болно.
• Гуравдугаар сарын 12-ныг хүртэл – Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн Чингис хаан Үндэсний музейд үргэлжилнэ.

Нийгэм, хууль эрх зүй

• УИХ-ын Байгаль орчин, хүнс, хөдөө аж ахуйн байнгын хороо "Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн ерөнхий хяналтын сонсгол"-ыг өнөөдөр, маргааш Төрийн ордонд зохион байгуулна.
• Орон сууц худалдан авсан иргэд, дотоод, гадаадын их, дээд сургуульд суралцаж буй оюутнуудын сургалтын төлбөрийн хөнгөлөлт авах хүсэлтэй иргэдийн материалыг нэгдүгээр сарын 1-нээс Татварын ерөнхий газарт хүлээн авч байна.

Орон нутагт

• Завхан аймагт – 2025 оны өсвөр үеийн аварга шалгаруулах тэмцээн энэ сарын 1-нээс 16 төрлөөр Улиастайд эхэлсэн бөгөөд зургаадугаар сарын 1 хүртэл үргэлжилнэ.
• Өмнөговь аймагт – "Түмэн тэмээний баяр-2025" өнөөдөр дуусна.

Хилийн чанад дахь үйл явдлууд

• Монгол хэл, бичгийн үзэсгэлэн Тайвань, БНСУ-ын Сөүл, Япон улсын Токио хотод хоёрдугаар сарын 15-наас 25-ныг хүртэл зохион байгуулагдана.