ChatGPT-ыг бүтээгч OpenAI компани санхүүжилтийн сүүлчийн шатанд $6,6 тэрбумын хөрөнгө оруулалтыг татаж чадлаа. Үүний үр дүнд  стартап $157 тэрбумаар үнэлэгдэх боллоо гэж Bloomberg мэдээлэв. 

Америкийн OpenAI  дэлхийн хамгийн өндөр үнэлгээтэй стартапуудын топ-3-т SpaceX ба  TikTok-ыг эзэмшигч  ByteDance  хоёрын хамт  орж байна. 
OpenAI  компанийн санхүүжилтийн  ээлжийг венчурын Thrive Capital компани толгойлон $1,3 тэрбумын хөрөнгө оруулалт хийлээ.  Стартапын томоохон хөрөнгө оруулагч Microsoft харин энэ удаа $750 саяыг оруулав. Өмнө нь Микрософт түүнд $13 тэрбумаа оруулсан байлаа. Өөр $500 саяыг Японы SoftBank Group оруулжээ. Үүний зэрэгцээ OpenAI компанийн хөрөнгө оруулагч нарын дунд Nvidia, Tiger Global Management, Fidelity Management & Research зэргийн компаниуд байна.