x

С.Зоригийн хэргийг тойрч ярихаасаа илүү үзэл санааг нь түгээх ёстой

Гэрэл зургийг МРА агентлаг

Одоогоос 26 жилийн өмнө бусдын гарт онц хэрцгийгээр амиа алсан Ардчилсан хувьсгалын удирдагчдын нэг, УИХ-ын гишүүн С.Зоригийн хөшөөнд хүндэтгэл үзүүлэх арга хэмжээ өнөөдөр боллоо. 

Цэцэг өргөх арга хэмжээнд АН-аас УИХ-д сонгогдсон гишүүд, Нийслэлийн АН-ын төлөөлөл, МоАХ-ны гишүүд оролцов.

Мөн УИХ-ын даргын захирамжаар байгуулсан “Төр, нийгмийн нэрт зүтгэлтэн С.Зоригийн амь насыг хөнөөсөн хэргээр ял эдэлж, эрүүдэн шүүгдсэн Монгол Улсын иргэдийн зөрчигдсөн эрхийг сэргээх, хохирлыг нөхөн төлүүлэх талаар эрх бүхий байгууллагаас авч хэрэгжүүлж буй арга хэмжээ, үйл ажиллагааны явцтай танилцан, цаашид авах арга хэмжээний талаар санал, дүгнэлт гаргах ажлын хэсэг”-ийн гишүүд мэдээлэл өгөв.

Цэцэг өргөхөд оролцсон АН-ын гишүүд, иргэдийн төлөөлөл дараах байр суурийг илэрхийллээ.

"Ерөнхий сайд Л.Оюун-Эрдэнэ С.Зоригийг амиа алдахад хамт байсан юм шиг л ярьдаг болсон"

Ардчилсан Залуучуудын Холбооны ерөнхийлөгч Б.Ган-Очир:

-С.Зориг агсны бусдын гарт амь насаа алдсан хэргээр эрх баригч МАН увайгүй улс төр хийж, байж боломгүйгээр ашигласанд харамсаж байна. Нэгдүгээрт, эрх баригчид энэ хэргийг илрүүлэх хүсэлгүй. Хоёрдугаарт, жилийн жилд С.Зориг агсны үхлээр улс төр хийдэг дархан мэхтэй болчихсон. Үүнийгээ 1998 оноос хойш сонгууль болгоноор ашиглаж байна.

Сүүлдээ Ерөнхий сайд Л.Оюун-Эрдэнэ С.Зориг агсны амь нас эрсэдсэн орой хамт байсан юм шигээр ярьдаг болсон. Энэ бол цэвэр хууль хяналтын, тусгай чиг үүргийн байгууллагын ажил. Гэтэл улс төрийн аллагыг улс төрийн сонгуульд ялах хэрэгсэл болгож байгаа нь увайгүй үйлдэл. Ерөнхий сайд Л.Оюун-Эрдэнэ АН-ынхан бүгдээрээ нийлж байгаад С.Зоригоо хөнөөчихсөн юм шигээр ярих болсон. Энэ хэргийн улс төржүүлэхээ болиод хуулийн байгууллагаар нь шалгуулаач гэж гуймаар байна. Гэвч хууль хяналтын хүртэл энэ хэрэг дээр улс төрийн зорилготой "пиарын баг" шиг ажилладаг болчихоод байгаа. Үүнийг л болиосой гэж хүсэх байна.

Миний хувьд С.Зориг агсан ардчилсан үзэл санааны лидер

 

 

УИХ-ын гишүүн С.Цэнгүүн: 

-Маш олон жил улс төржүүлээд яваад ирлээ. Хэргийг нь шийдэх хангалттай хугацаан өнгөрлөө. Гэвч энэ хэргийг зөвхөн улс төрийн зорилгоор үе үе гаргаж ирдэг.

Миний хувьд С.Зориг агсан бол ардчиллын үзэл санааны лидер. Тиймээс энэ хүний үйл хэргийг үргэлжлүүлэх ёстой. Энэ цаг үед ардчиллыг авч үлдэх үйл хэргийг үргэлжлүүлж, ардчиллаа бэхжүүлэхэд илүү анхаарах ёстой.

Би хувьдаа энэ парламентад чөлөөт эдийн засгийн хөгжүүлэх замаар хувь хүнийг өмчтэй болгохыг зорьдог. Хүн өмчтэй байж байж эрх чөлөөтэй байна. Эрх чөлөө нь ардчиллын суурь юм. Энэ утгаараа төрөөс хамааралтай бүх салбарыг чөлөөлснөөр иргэдэд боломжийг нээж өгнө. Энэ нь ардчиллын бэхжүүлэх хамгийн том суурь гэж үздэг. 

АН-ын залуус "Зориг" нэртэй ардчиллын хүрээлэн байгууллаа

УИХ-ын гишүүн Ч.Лодойсамбуу: 

-1998 оноос хойш С.Зориг гэдэг хүнийг хэрхэн нас барсан тухай л ярьсаар ирсэн. Залуу гишүүний хувиар энэ цагаас хойш С.Зориг ямар үзэл санаа тээж, монголын нийгмийг ямар болгохыг зорьж байсан бэ гэдгийг ярих ёстой гэж үзэж байна.

2000 оноос хойш энэ хүний нас барсан хэрэг нь хүмүүсийн албан тушаалд очдог шат болчихоод байгаа. Яг тэр аргыг хэрэглэсэн хүмүүс өнөөдөр эрх барьж, засаг удирдаж байна. Тиймээс АН-ын залуус энэ хэргийг тойрч ярихаасаа илүү үзэл санааг нь олон хүнд түгээж, хүрээллээ тэлэх үйл хэргийг эхлүүлэх нь зүйтэй гэж үзсэн. С.Цэнгүүн гишүүн болон хэсэг залуус нийлээд “Зориг” нэртэй ардчиллын хүрээлэн байгуулсан. Энэ хүрээлэн нь орон даяар намын дэргэдэх байгууллага болж, ардчиллын үзэл санааг эргүүлэн сэргээхийн төлөө ажиллана. 

Сонгуулийн циклээс хамааралгүйгээр энэ хэрэг эцэслэн шийдэгдээсэй гэж хүсдэг

УИХ-ын гишүүн, Ажлын хэсгийн гишүүн Х.Баасанжаргал: 

-Энэ хэрэг дээр ажиллаж байсан өмгөөлөгч, хуульч нар байр сууриа илэрхийлсэн байдаг. Тухайн хэргийг прокурор, шүүхийн шатанд хянан шийдвэрлэгдэх үйл явц нь өөрөө маш удаан. Мөн маш олон субъектив хамааралтай, эцэслэн шийдвэрлэгдээгүй учраас хэргийг янз бүрээр тайлбарлах эрсдэл гараад байдаг.  Хуульчийн гэхээс илүү хувь хүний хувиар сонгуулийн циклээс хамааралгүйгээр энэ хэрэг эцэслэн шийдэгдээсэй гэж хүсдэг.

Ажлын хэсгийн гишүүний хувиар хэлэхэд, энэ хэрэгт холбогдон шалгагдаж, хохирсон хүмүүсийн хохирлын асуудлыг зайлшгүй шийдвэрлэх ёстой. Орчин цагт ийм хэлмэгдүүлэлт байх ёсгүй. 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Доминик де Вильпен Францын ерөнхийлөгчийн сонгуульд өрсөлдөнө 4 цаг 10 мин Дэлгэрмөрөн, Бэлтэс, Шишхэд, Үүрийн голуудын мөсний зузаан 5-15 см нэмэгджээ 4 цаг 23 мин Медведев, Зверев нар хагас шигшээд өрсөлдөнө 4 цаг 30 мин GTA VI тоглоомноос ганцхан өдрийн дотор 3.8 тэрбумын орлого олжээ 4 цаг 36 мин Монгол, АНУ-ын хооронд 2028 онд шууд нислэг үйлдэх зорилттой ажиллаж байна 5 цаг 22 мин Нийслэлийн 2027 оны төсвийн төслийг өргөн барилаа 5 цаг 28 мин “Хурандаа нарыг генерал болгосон” хурандаа У.Хүрэлсүхийг хэн шалгах вэ? 5 цаг 43 мин Д.Эрдэнэбаатар: Монголчууд хаанаас ч нүүж ирээгүй, хаашаа ч нүүгээгүй 5 цаг 58 мин Улаанбаатарт цас орно, өдөртөө 8-10 хэм хүйтэн 7 цаг 11 мин С.Бямбацогтыг хэн гэж дуудах вэ, бас намаасаа татгалзчихаар яах вэ Уржигдар 12 цаг 38 мин Орон нутгийн замд үүссэн цас, мөсийг цэвэрлэж, аюулгүй байдлыг хангахаар 24 цагаар ажиллаж байна Уржигдар 12 цаг 27 мин Хүрэлсүх Ерөнхийлөгчийн “хүрэл” мэт эр зориг Уржигдар 10 цаг 50 мин У.Хүрэлсүх: Монгол Улсын нэр хүнд, байр суурийг бататган бэхжүүлэхэд онцгой анхаарч ажиллалаа Уржигдар 10 цаг 33 мин Т.Ариунзаяа өсвөр, залуучуудын ДАШТ-д түрүүлсэн анхны монгол жүдоч боллоо Уржигдар 10 цаг 22 мин Эрчим хүчний оргил ачааллыг бууруулах 100 МВт-ын батарей хуримтлуурын төслийг хэрэгжүүлнэ Уржигдар 10 цаг 13 мин Баавгайн цацлага, амьдаар барих төхөөрөмжийг хамгаалалтын захиргаадад олгож эхэллээ Уржигдар 10 цаг 07 мин ЧУУЛГАН: СЗХ-ны даргыг үүрэгт ажлаас чөлөөлөх асуудлыг хэлэлцэнэ Уржигдар 10 цаг 00 мин Б.Заяабал: Мөнгөний бодлого эдийн засагт, ялангуяа инфляцийг бууруулахтай холбоотой гол нөлөөлөл үзүүлдэг Уржигдар 09 цаг 53 мин С.Бямбацогт: Парламентад суудалтай намуудын дарга нараас ойлголцол, зөвшилцлийн Зөвлөл байгуулж ажиллана 2026-11-19 Ерөнхийлөгч У.Хүрэлсүхийг өөрийнх нь хүсэлтээр үүрэгт ажлаас нь чөлөөллөө 2026-11-19
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Монголын мөсөн сийлбэрчид Мадридын тэмцээнд түрүүллээ Юун Ялта, юун дэлхийг хуваах! З.Мэндсайхан: Тэтгэвэр, цалингийн нэмэгдлээр дамжуулан ажлын... Нөмрөгийн түймрийн хохирлын үнэлгээг хуулийн байгууллагад ши... Хууль зөрчиж хэрэг буцаасаар байгаа Дээд шүүхийг “байцаах” х... Шөнийн автобус 22:00-02:00 цагийн хооронд үйлчилж байна 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Дээд шүүхийн “дээвэр” нурчихсан уу? Д.Трамп Хятадад Ким Жөн Унтай уулзаж магадгүй гэв Хятадын арбитр: Манай төрийн өмчит банкуудаас татсан зээлүүд... “Герман, Франц улсад суралцсан анхны эмэгтэйчүүд” үзэсгэлэнг... Энэ онд 51 байршилд 63.47 км авто замыг шинэчлээд байна Гавьяат тамирчин Э.Цэндбаатар 16 дараалан яллаа У.Хүрэлсүх эргэн ирэлт хийх үү? Оюутны гольфийн ДАШТ-д М. Буян-Эрдэнэ амжилттай оролцлоо Ерөнхий сайд аа, АТГ, УЕПГ Таны “Ажлын алба” биш! Энэ 7 хоногт Монгол Улсад Ч.Өнөржаргал: Цагдаагийн байгууллага хүний нэр хүндэд халдаж...
Top