МУГТ, Сонирхогчдын боксын олимп, дэлхийн мөнгөн медальт Н.Төгсцогтыг хар тамхины хэргээр саатуулан, баривчилжээ. ЦЕГ-ын Хар тамхитай тэмцэх албаны алба хаагчид арванхоёрдугаар сарын 28-ны өдөр Н.Төгсцогтыг нийслэлийн Сүхбаатар дүүргийн нутаг дэвсгэрээс сэтгэцэд нөлөөлөх бодис хэрэглэсэн байж болзошгүй үндэслэлээр баривчилж саатуулаад, хэргийг шалгаж байгаа тухай ЦЕГ-аас мэдээлжээ.
Н.Төгсцогт нь 2014 онд АНУ-ын Лос-Анжелест болсон тэмцээнээр сонирхогчдын боксын рингэнд хүч сорьж эхэлсэн. Клубынх нь залуус түүнийг King Tug гэж нэрлэдэг. Н.Төгсцогт 17 настайдаа дэлхийн аваргаас медаль зүүж, 20 настайдаа Лондонгийн олимпод аваргын төлөө тулалдаж, мөнгөн медалийн эзэн болсон.