Элсэлтийн ерөнхий шалгалтын 2023 оны цахим бүртгэл өнөөдөр 10:00 цагт эхэллээ. Бүртгэл дөрөвдүгээр сарын 04-ний 18:00 цаг хүртэл үргэлжилнэ.
Энэ талаар өнөөдөр Боловсролын үнэлгээний төвөөс мэдээлэл хийлээ.
Улсын хэмжээнд ерөнхий боловсролын сургуулийн 34117 шалгуулагч байна. Үүний 54 хувь буюу 18 мянган нь орон нутагт, үлдсэн нь Улаанбаатар хотод харьяалалтай байгаа ажээ.
Мөн өмнөх оны төгсөгчид нэмэгдсэнээр нийт 40 орчим мянган суралцагч ЭЕШ өгөх урьдчилсан тооцооллыг гаргасан байна. Энэ жилийн ЭЕШ-ыг зохион байгуулахад хэд хэдэ онцлог шинж байгааг хэвлэлийн хурлын үеэр дурдлаа.
Тодруулбал,
-
ЭЕШ-ыг жилд хоёр удаа буюу зургаа болон арванхоёрдугаар саруудад зохион байгуулна
-
Блокчэйн технологид суурилсан бөгөөд сүлжээнд байршуулснаар дүн оноог хэн ч засах боломжгүй
-
ЭЕШ-ын статистик мэдээ, үр дүнгийн мэдээллийг BI системд байршуулна
-
Олон улсад хүлээн зөвшөөрөгдөх шалгалтын дүн оноог дүйцүүлэх
-
Монгол, англи, орос хэлийг сонсоод ойлгох чадварыг шалгах даалгавар
-
Уншиж ойлгох, зөв бичгийн, үндэсний бичгээр унших болон найруулан бичих чадвар тус бүрийг 25 хувиар тооцсон босго оноотой байх юм.
Дашрамд, монгол хэл бичгийн шалгалт үнэ төлбөргүй байх аж.
